37 جاستاعى الماتىلىق ازامات وز-وزىنە قول جۇمساپ، ومىرىمەن قوشتاسپاق بولدى.
وز-وزىنە قول جۇمساماق بولعان ازاماتتى المالى اۋدانىنىڭ ۋچاسكەلىك ينسپەكتورلارى امان الىپ قالدى، دەپ حابارلايدى Almaty-akshamy.kz.
«ساعات 17:00 شاماسىندا “102” پۋلتىنە ءتۇ ءبىرىنىڭ 11-قاباتىنداعى تەرەزەدە ەر ادامنىڭ وتىرعانى جانە وز-وزىنە قول جۇمساعىسى كەلەتىنى تۋرالى حابارلاما كەلىپ ءتۇستى. وسىنداي حاباردى العاننان كەيىن، سەرىكتەسىم، پوليسيا قىزمەتكەرى ازامات دۇيسەنبەك ەكەۋمىز اتالعان ۇيگە جەتتىك. وسى كەزدە “بۋران-052” پاترۋلدىك ەكيپاجى دا كەلدى. ابىروي بولعاندا پاتەردىڭ ەسىگى قۇلىپتالماعان: تەرەزەدە وتىرعان ادامدى شوشىتىپ الماس ءۇشىن سىرتقى ەسىكتى بىلدىرمەي اشتىق. مەن بايقاتپاي كىردىم، ونى ۇستاپ الىپ، بولمەگە قاراي سۇيرەدىم. وز-وزىنە قول جۇمساماق بولعان ازاماتتىڭ جاسى – 37-دە. ونىڭ جاعدايى ناشار بولدى. ول ءوز ارەكەتىنىڭ سەبەبى تۋرالى ناقتى ەشتەڭە ايتپادى. مەديسينالىق جانە پسيحولوگيالىق كومەك كورسەتۋ ءۇشىن وقيعا ورنىنا دارىگەرلەر بريگاداسى شاقىرىلدى»، – دەيدى المالى اۋداندىق پب-نىڭ ۋچاسكەلىك ينسپەكتورى ەراسىل بۇحاروۆ.
قازىرگى ۋاقىتتا پوليسەيلەر بۇل ىسكە قاتىستى تەرگەۋ امالدارىن جۇرگىزىپ جاتىر. وقيعانىڭ ءمان-جايى انىقتالۋدا.