تاياۋدا عانا ءۇشىنشى رەت وتباسىن قۇرعان تانىمال اكتەر داۋرەن ايدارقۇلوۆ العاش رەت جۇبايى تۋرالى اشىق ايتتى، دەپ حابارلايدى Aqshamnews.kz ءتىلشىسى. بۇل تۋرالى ول جۋرناليست امان تاسىعانعا بەرگەن سۇحباتىندا اڭگىمەلەدى.
بەلگىلى اكتەر داۋرەن ايدارقۇلوۆ وزىنەن بىرنەشە جاس كىشى ءۇشىنشى ايەلى جۇلدىزبەن قالاي تانىسقانىن ايتتى. ايتۋىنشا، بولاشاق جۇبايىن الەۋمەتتىك جەلىدەن كورىپ، سول ارقىلى بايلانىس ورناتقان.
"ەسىمى - جۇلدىز. ترەدس جەلىسىنەن تاپتىم. ءارتۇرلى جەردەن جارىمدى ىزدەپ ءجۇردىم. بىرەۋلەر تانىستىرىپ جاتادى، ءبىراق ەشكىم كوڭىلدەن شىقپايتىن. كەيىن جەلىدەن جۇلدىزدى بايقاپ قالىپ، سويلەسە باستادىق. ەكى اپتادان كەيىن تۋعان اعاسىنىڭ الدىنان ءوتتىم. تويدى جوسپارلادىق. شىلدەدە تانىسساق تا، جۇبايىمدى قىركۇيەكتە سول نەكە قياتىن كۇنى العاش رەتىن ومىردە كوردىم"، - دەدى اكتەر.
سونداي-اق، اكتەر قازىرگى ايەلىنىڭ وزىنەن 15 جاس كىشى ەكەنىن ايتتى.
"جۇلدىز ەكەۋمىزدىڭ ارامىز 15 جاس. 1997 جىلى تۋعان. ۇيدە ونلاين جۇمىس ىستەيدى. ءتۇرلى جالعان اقپاراتتار تاراپ جاتىر عوي. ءبىراق شىندىقتى وسىندا ايتايىن"، - دەيدى ايدارقۇلوۆ.
ەسكە سالايىق، داۋرەن ايدارقۇلوۆ جاقىندا ءۇشىنشى رەت شاڭىراق كوتەرگەنىن جاريالاعان ەدى. ونىڭ جاڭا نەكەسى جەلى قولدانۋشىلارى اراسىندا ۇلكەن تالقىلاۋعا ءتۇستى. اكتەر بۇعان دەيىن ەكى رەت ۇيلەنىپ اجىراسقان. ول ەكىنشى رەت نەكەسىن تانىمال اكتريسا اقبوتا-نۇرمەن قيعان ەدى.