الماتىنىڭ ناۋرىزباي اۋدانىندا 5 445 جاڭا جۇمىس ورنى قۇرىلدى، - دەپ حابارلايدى Aqshamnews.kz.
بۇل جىلدىق جوسپاردىڭ 97،9 پايىزى، بىلتىرعى كورسەتكىشتەن ەداۋىر جوعارى. بۇل تۋرالى ناۋرىزباي اۋدانىنىڭ اكىمدىگى حابارلادى.
اۋدان ەكونوميكاسى بارلىق نەگىزگى سالا بويىنشا تۇراقتى دامىپ كەلەدى. ونەركاسىپ ءوندىرىسىنىڭ كولەمى 13،8 ملرد تەڭگەگە جەتتى، بولشەك ساۋدا كولەمى 40،5 ملرد تەڭگەگە دەيىن ءوستى، ال كوتەرمە ساۋدا كورسەتكىشى 5 ەسەگە جۋىق ارتىپ، 20 ملرد تەڭگە بولدى.
شاعىن جانە ورتا بيزنەس سۋبەكتىلەرىنىڭ سانى 31،3 مىڭعا جەتتى، ونىڭ 29 مىڭنان استامى بەلسەندى جۇمىس ىستەيدى. نەگىزگى كاپيتالعا سالىنعان ينۆەستيسيا 126،6 ملرد تەڭگەگە دەيىن ءوسىپ، 183،6 مىڭ شارشى مەتر تۇرعىن ءۇي پايدالانۋعا بەرىلدى.
قۇرىلىس جۇمىستارىنىڭ كولەمى 64 ملرد تەڭگەنى، ال اۋدان بيۋدجەتىنىڭ كىرىسى 46 ملرد تەڭگەدەن استى. بۇل جوسپاردان 27،5 پايىزعا جوعارى كورسەتكىش.
«بۇل ناتيجەلەر رەسپۋبليكa كۇنىنە وراي ناۋرىزباي اۋدانىنىڭ جۇيەلى دامۋىنىڭ كورسەتكىشى. جاڭا نىساندار مەن شاعىن جانە ورتا بيزنەس جوبالارىنىڭ اشىلۋى جۇمىسپەن قامتۋدى ارتتىرۋعا، تۇرعىنداردىڭ ءومىر ءسۇرۋ ساپاسىن جاقسارتۋعا جانە اۋدان ەكونوميكاسىنىڭ الەۋەتىن نىعايتۋعا مۇمكىندىك بەرەدى»، – دەدى اۋدان اكىمدىگىنىڭ وكىلدەرى.