ناۋرىزباي اۋدانىندا 3 مىڭ تۇرعىندى تابيعي گازبەن قامتاماسىز ەتەتىن جانە تۇرعىن ءۇي الاپتارىن دامىتۋ ءۇشىن جاڭا مۇمكىندىكتەر اشاتىن گازداندىرۋ جۇمىستارى بەلسەندى تۇردە جالعاسۋدا. بۇل تۋرالى الماتىنىڭ ەنەرگەتيكا جانە سۋمەن جابدىقتاۋ باسقارماسىنان حابارلادى.
الماتىنىڭ ەنەرگەتيكا جانە سۋمەن جابدىقتاۋ باسقارماسىنىڭ تاپسىرىسى بويىنشا مەردىگەر ۇيىم 6،7 كم جوعارى قىسىمدى گاز قۇبىرىن سالۋدىڭ اۋقىمدى جوباسىن ىسكە اسىرۋدا.
بۇگىنگى تاڭدا قۇرىلىس-مونتاج جۇمىستارى 50% - عا ورىندالدى، الايدا ىسكە اسىرۋ ۇدەرىسىندەگى تۇزەتۋلەرگە بايلانىستى رايىمبەك داڭعىلى (الاتاۋ داڭعىلىنان جەكسەمبايەۆ كوشەسىنە دەيىن) ۋچاسكەسىندە وزگەرىستەر بولدى. بۇل قولدانىستاعى ينجەنەرلىك كوممۋنيكاسيالار مەن قورعاۋ ايماقتارىن ەسەپكە الۋعا بايلانىستى. ناتيجەسىندە جوبا وزگەرتىلىپ، ونى اياقتاۋ 2025 جىلدىڭ تامىزىنا جوسپارلاندى.
گاز قۇبىرى پايدالانۋعا بەرىلگەننەن كەيىن ورتالىق گازبەن جابدىقتاۋعا Alma City جانە «ەلىم-اي 4» تۇرعىن ءۇي كەشەندەرى، سونداي-اق «ەليسەيسكيە پوليا» كوتتەدج قالاشىعى قوسىلادى. بۇل 3000-نان استام تۇرعىندى تۇراقتى، ەكولوگيالىق تازا وتىنمەن قامتاماسىز ەتەدى، سونىمەن قاتار اۋداننىڭ ودان ءارى ءوسۋى مەن اباتتاندىرىلۋىنا جاعداي جاسايدى.