ءماجىلىس دەپۋتاتى سەرگەي پونوماريەۆ پالاتانىڭ جالپى وتىرىسىندا الماتى قالاسىنىڭ ەكولوگيالىق احۋالىن جاقسارتۋدىڭ جولىن ۇسىندى، دەپ حابارلايدى aqshamnews.kz
- مەن ءماجىلىس قابىلداعان «اكۆامادەنيەت تۋرالى» زاڭ جوباسىنىڭ جۇمىس توبىنا جەتەكشىلىك ەتتىم. الماتىداعى ەكولوگيالىق قاتەرگە تاعى دا نازار اۋدارعىم كەلەدى. سۇيىكتى قالامىزدا اۋا ساپاسىنىڭ ناشارلاعانى سونشالىق، الماتىلىقتار مەگاپوليستىڭ قاسىرەتىنە نازار اۋدارتۋ ءۇشىن قالانى شاڭسورعىشپەن «تازالاپ» جاتىر، - دەدى سەرگەي پونوماريەۆ.
دەپۋتات بۇل ماسەلەنىڭ شەشىمىن ەلەكتروموبيلدەردىڭ قولدانىس اياسىن كەڭەيتۋدەن كورىپ وتىر.
- مەنىڭ ويىمشا، قالاداعى بۇل ماسەلەنى ەلەكتروموبيلدەردىڭ كومەگىمەن شەشۋگە بولادى. مەملەكەتتىك ۇيىمدار مەن كۆازيمەملەكەتتىك سەكتوردى ەلەكتروموبيلدەرگە وتىرعىزۋ كەرەك. الماتى اكىمدىگىنە ەلەكتر قوزعالتقىشى بار قوعامدىق كولىكتىڭ ۇلەسىن ارتتىرۋ كەرەك. بۇكىل تاكسي مەن اۆتوكولىكتەردى ەلەكتر جەلىسىنە اۋىستىرۋ قاجەت، - دەدى ول.