ناۋرىزباي اۋدانىندا تۇرعىنداردىڭ ۇسىنىسى بويىنشا «حالىقتىڭ بيۋدجەتكە قاتىسۋى» جوباسى اياسىندا بالالاردىڭ ويىن جانە سپورت الاڭدارى سالىنادى. ولاردى وتكەن جىلى قونايەۆ كوشەسىن ياسساۋي كوشەسىنەن ءاشىموۆ كوشەسىنە دەيىن كەڭەيتۋ جۇمىستارى اياقتالعاننان سوڭ بوساعان ۋچاسكەلەردە سالاتىن بولادى دەپ حابارلايدى almaty-akshamy.kz
جوبادا جارىقتاندىرۋ، سپورتتىق قۇرىلعىلارمەن جابدىقتاۋ، كوگالداندىرۋ قاراستىرىلعان. بۇگىندە قۇرىلىس جۇمىستارىنا كەلىسىمشارت جاسالدى. ەكى جوبانىڭ ءارقايسىسىنىڭ جالپى قۇنى – 51 ملن تەڭگە.
اعىمداعى جىلى ناۋرىزباي اۋدانى تۇرعىندارىنىڭ جوبالارىنا 1،3 ملرد تەڭگە ءبولىندى. داۋىس بەرۋ قورىتىندىسى بويىنشا ىسكە اسىرۋعا جىبەرىلگەن جوبالاردى اۋدان اكىمدىگى 2023 جىلى ورىندايتىن بولادى.
2021 جىلى ناۋرىزباي اۋدانىنا «حالىقتىڭ بيۋدجەتكە قاتىسۋى» جوباسىن جۇزەگە اسىرۋعا 1،3 ملرد تەڭگە ءبولىندى. 2022 جىلدىڭ كوكتەمىندە الماتى قالاسىنىڭ اكىمى ەربولات دوسايەۆتىڭ ۇسىنىسى بويىنشا سوما 500 ملن تەڭگەگە ۇلعايتىلدى. وسىلايشا، 2022 جىلى «حالىقتىڭ بيۋدجەتكە قاتىسۋى» اياسىندا اۋداندا قۇنى 1،8 ملرد تەڭگە بولاتىن 2021 جىلعى 47 جەڭىمپاز – جوبالاردى ىسكە اسىرۋ جوسپارلانۋدا.
انىقتاما: «حالىقتىق بيۋدجەتكە قاتىسۋى» باعدارلاماسىنىڭ ماقساتى – قالا تۇرعىندارىنىڭ باستامالارى مەن ۇسىنىستارى نەگىزىندە الماتى اۋداندارىنىڭ اۋماقتارىن دامىتۋ جانە اباتتاندىرۋ.
الماتىلىقتار 20 شىلدەگە دەيىن budget.open-almaty.kz پورتالى ارقىلى ءوتىنىش بەرە الادى.ول ءۇشىن ءوتىنىمدى تولتىرۋ (جوبالىق ۇسىنىستىڭ اتاۋى، ونىڭ سيپاتتاماسى، وبەكتىنىڭ مەكەنجايى) قاجەت، جوبالىق ۇسىنىستىڭ ەسكيزى مەن سمەتاسىن مىندەتتى تۇردە بەكىتۋ قاجەت (بولجامدى بولۋى مۇمكىن). ءبىر جوبانىڭ ەڭ جوعارى قۇنى 61،2 ملن تەڭگەدەن اسپاۋى ءتيىس.
جوبالىق ۇسىنىستار كەلەسى كريتەرييلەرگە ساي بولۋى ءتيىس: ءبىر اۆتور – ءبىر ءوتىنىم – ءبىر وبەكت؛ نىساندى جالپى پايدالانۋداعى قولجەتىمدىلىك شەكسىز؛نىسان ونى جۇزەگە اسىرۋ جوسپارلانعان اۋدان اۋماعىندا، جالپى پايدالانۋ ۋچاسكەسىندە ورنالاسۋى كەرەك؛ اكىمدىكتىڭ قۇزىرەتى شەگىندە بولۋى كەرەك جانە ت.ب.