بەنزينگە سۇرانىستىڭ بولماۋىنان جاپونيادا مۇناي زاۋىتى جابىلىپ جاتىر

ەلدە بەنزيندى پايدالانۋدى ازايتۋ ۇدەرىسىنىڭ جالعاسۋدا

جاپونيادا كولەمى جاعىنان ەكىنشى تۇرعان ءىرى مۇناي وڭدەۋ كومپانياسى ەلدە بەنزينگە سۇرانىستىڭ تومەندەۋىنەن ءوزىنىڭ نەگىزگى مۇناي وڭدەۋ زاۋىتىنىڭ ءبىرىن جابادى، دەپ حابارلايدى Almaty-akshamy.kz  قازاقپارات-قا سىلتەمە جاساپ.
The Mainichi Newspapers كەلتىرگەن مالىمەتتەر بويىنشا، Idemitsu Kosan Co. كاسىپورنى حونسيۋ ارالىنىڭ وڭتۇستىك-باتىسىنداعى ياماگۋتي پرەفەكتۋراسىندا ورنالاسقان. ول تاۋلىگىنە 120 مىڭ باررەلگە دەيىن مۇناي وڭدەۋگە قاۋقارلى. بۇل كولەم كورپوراسيا قۋاتىنىڭ شامامەن 10% سايكەس كەلەدى. اتالعان مۇناي وڭدەۋ زاۋىتى كوتەرمە باعامەن مۇناي جەتكىزەتىن جاپونياداعى ءىرى كاسىپورىندار اراسىندا ەكىنشى ورىن الادى. وندا 450-گە جۋىق مامان جۇمىس ىستەيدى.
ۆەدومستۆو مالىمەتىنشە، كاسىپورىن 2024 جىلدىڭ ناۋرىز ايىنا دەيىن جابىلادى. ونىڭ باستى سەبەبى – ەلدە بەنزيندى پايدالانۋدى ازايتۋ ۇدەرىسىنىڭ جالعاسۋى.
جاپونيادا بەنزيندى ساتۋ 20 جىل قاتارىنان تۇراقتى تۇردە تومەندەپ كەلەدى. بۇل دەكاربونداۋدىڭ جاھاندىق تەندەنسياسى اياسىندا ەكولوگيالىق تازا اۆتوموبيلدەردىڭ كوبىرەك ەنگىزىلۋىنە بايلانىستى بولىپ وتىر.
Idemitsu مالىمدەمەسىندە سونداي-اق، سۇرانىستىڭ ودان ءارى تومەندەۋى جاپونيا حالقىنىڭ ازايۋىنا جانە COVID-19 پاندەمياسىنىڭ سالدارىنان بولىپ وتىرعانى ايتىلعان. بۇل زاۋىتتى جابىلۋىنا اكەلدى.
بۇل رەتتە، جاپونيانىڭ Eneos Holdings ەڭ ءىرى مۇناي وڭدەۋ كومپانياسى دا 2023 قارجى جىلىندا ءوزىنىڭ ەڭ ماڭىزدى مۇناي وڭدەۋ زاۋىتتارىنىڭ ءبىرىن جابۋعا نيەتتى.