الماتى قالاسىنىڭ قان ورتالىعى دۇنيەجۇزىلىك دونور كۇنىنە وراي سالتاناتتى ءىس-شارا وتكىزدى. بۇل كۇنى ۇنەمى قان تاپسىراتىن 16 دونور ورتالىقتان العىس پەن ەستەلىك سىيلىقتار الدى دەپ حابارلايدى almaty-akshamy.kz
وتكەن جىلى الماتىدا قان جانە ونىڭ كومپونەنتتەرى دونورلارىنىڭ جالپى سانى 15 مىڭنان استام ادامدى قۇرادى، ولار 11 مىڭ ليتردەن استام قان تاپسىردى. كۇن سايىن قان ورتالىعىندا 70-100 دونور قابىلدانادى. بۇگىندە مەكەمە الماتى قالاسى مەن الماتى وبلىسىنىڭ 20-دان استام مەديسينالىق ۇيىمدارىنا قىزمەت كورسەتەدى.
ورتالىق ماماندارىنىڭ اقپاراتى بويىنشا، قازىرگى ۋاقىتتا قالادا قان تاپشىلىعى جوق، ورتالىق زاماناۋي جابدىقتارمەن قامتاماسىز ەتىلگەن، بارلىق الەمدىك جانە حالىقارالىق ستاندارتتارعا سايكەس كەلەتىن دونورلىق قان كومپونەنتتەرىن دايىنداۋ، تەستىلەۋ جانە قوسىمشا قاۋىپسىزدىگىن قامتاماسىز ەتۋدىڭ زاماناۋي ادىستەرى ەنگىزىلگەن.
جەكسەنبىدەن باسقا كۇندەرى قان ورتالىعىنا ساعات 08:00-دەن 15:00 ارالىعىندا كەلىپ. قان تاپسىرىپ، دونور اتانۋعا بولادى. انىقتاما ءۇشىن 8 727 338 23 80 تەلەفونىنا حابارلاسۋعا بولادى.