2025 جىلدىڭ سوڭىنا دەيىن ناۋرىزباي اۋدانىندا 120 كم سۋ قۇبىرى جانە 93،5 كم كارىز جەلىلەرىن سالۋ بويىنشا اۋقىمدى جۇمىستار اياقتالادى. بۇل تۋرالى الماتى اكىمى ەربولات دوسايەۆ اۋدان تۇرعىندارىمەن كەزدەسۋ بارىسىندا مالىمدەدى، دەپ حابارلايدى aqshamnews.kz
جاڭا جەلىلەر اقجار، قاراعايلى، تاۋسامالى جانە تاستىبۇلاق شاعىن اۋداندارىنداعى 97 كوشەدە سالىنادى. وسىلايشا 2،2 مىڭ ابونەنت، ياعني 6 مىڭنان استام تۇرعىن ينجەنەرلىك ينفراقۇرىلىممەن قامتىلادى.
2024 جىلى اۋداندا 55 كم ينجەنەرلىك جەلى، ونىڭ ىشىندە 26،4 كم سۋ قۇبىرى جانە 22،1 كم كارىز جۇيەسى سالىندى. بۇل جۇمىستار اقجار مەن قاراعايلى شاعىن اۋداندارىنداعى 27 كوشەنى قامتىپ، 750 ابونەنتكە، ياعني 3،5 مىڭ تۇرعىنعا سۋ جانە كارىز جۇيەسىنە قوسىلۋ مۇمكىندىگىن بەردى.
جالپى، 2025 جىلى الماتى قالاسى بويىنشا 260 كم جاڭا جەلى سالىنىپ، 87 كم ينجەنەرلىك ينفراقۇرىلىم جاڭعىرتىلماق.