كەڭەس قورىتىندىسى بويىنشا ۆەدومستۆوارالىق جۇمىس توبىن قۇرۋ تاپسىرىلدى.
ق ر پرەمەر-مينيسترىنىڭ ورىنباسارى ەرالى توعجانوۆ مەملەكەت باسشىسىنىڭ ەلدەگى ەسىرتكى قىلمىسى مەن ناشاقورلىققا قارسى ءىس-قيمىلعا قاتىستى تاپسىرماسىن ورىنداۋ بويىنشا ارنايى كەڭەس وتكىزدى، دەپ حابارلايدى Almaty-akshamy.kz
«بۇگىنگى تاڭدا ەسىرتكى قىلمىسى مەن ناشاقورلىق ماسەلەسى وتە وزەكتى. وكىنىشكە وراي، جاڭا سينتەتيكالىق ەسىرتكىنىڭ نەگىزگى تۇتىنۋشىلارى جاستار بولىپ تابىلادى. تەك وسى جىلدىڭ وزىندە ەلىمىزدە 8،5% وسىممەن 5 مىڭ ەسىرتكى قىلمىسى انىقتالدى. بىزگە بۇل باعىتتا كۇرەسۋ ءۇشىن جۇيەلى شارالار قاجەت»، – دەپ اتاپ ءوتتى ەرالى توعجانوۆ.
قۇقىق قورعاۋ جانە سالالىق مەملەكەتتىك ورگاندارعا ءبىرقاتار تاپسىمالار بەرىلدى: ️
تەلەكوممۋنيكاسيا جەلىسىندە، ونىڭ ىشىندە ينتەرنەت-بوتتاردى جانە باسقا دا اۆتوماتتى باعدارلامالاردى پايدالانا وتىرىپ جاسالاتىن ەسىرتكى قىلمىسىنىڭ جولىن كەسۋ؛
ءتيىمدى مەملەكەتتىك جانە الەۋمەتتىك باقىلاۋدى بەلگىلەي وتىرىپ، ناشاقورلىقتىڭ باستاپقى پروفيلاكتيكاسىنىڭ تەڭگەرىمدى جۇيەسىن قۇرۋ؛
ەسىرتكىگە تاۋەلدى ادامداردى ەمدەۋ ادىستەرىن جەتىلدىرۋ، اۋماقتىق سوت ساراپتاماسى ورگاندارىنىڭ مەملەكەتتىك ەسىرتكى ديسپانسەرلەرىن ماتەريالدىق-تەحنيكالىق جاراقتاندىرۋدى جاقسارتۋ؛
قۇرامىندا ەسىرتكى بار وسىمدىكتەردىڭ ءوسۋ وشاقتارىن انىقتاۋ ءۇشىن قاشىقتىقتان زوندتاۋ جۇيەلەرىن پايدالانۋدى كەڭەيتۋ؛
ەسىرتكى زاتتارىن شەتەلدەن اكەلۋگە جول بەرمەۋ جونىندە شارالار قابىلداۋ.
كەڭەس قورىتىندىسى بويىنشا، پرەمەر-مينيستردىڭ ورىنباسارى ەلدەگى ەسىرتكى قىلمىسى مەن ناشاقورلىققا قارسى جۇيەلى شارالار ازىرلەۋ ءۇشىن ۆەدومستۆوارالىق جۇمىس توبىن قۇرۋدى تاپسىردى.