جىل سايىن قاڭتاردا "كرەششەنيە" مەيرامىندا مۇسىلماندارعا سۋعا تۇسۋگە بولا ما؟ قمدب وكىلدەرى ءتۇسىندىردى، دەپ حابارلايدى aqshamnews.kz
"ءتىپتى سول سۋعا تۇسكەن ادام تازارادى جانە كۇناسى كەشىرىلەدى دەيدى. بىزگە دە وسى ماسەلە بويىنشا كوپتەگەن سۇراق كەلەدى. مۇسىلمان ادامنىڭ وسىنداي راسىمگە قاتىسۋىنا بولا ما دەپ سۇراپ جاتادى. مۇسىلماندار قاي زاماندا بولسىن باسقا ءدىن وكىلدەرىنە ەرەكشە قۇرمەتپەن قاراعان جانە ولاردىڭ ءدىني راسىمدەرىن، قۇلشىلىقتارىن ورىنداۋىنا ەشقانداي كەدەرگى جاساماعان. يسلام ءدىنى باسقا دىنگە، ۇلتقا قۇرمەتپەن قاراۋعا بۇيىرادى. ءبىراق بۇل مۇسىلمانداردىڭ ولاردىڭ دا ءدىني راسىمگە قاتىسۋعا بولادى، سولارمەن قوسىلىپ قۇلشىلىقتى اتقارۋعا رۇقسات ەتىلدى دەگەن ماعىنانى بىلدىرمەيدى. پايعامبارىمىز “كىمدە كىم قاي قاۋىمعا ۇقساسا، ول سول قاۋىمنان” دەگەن ءسوزى بار. سوندىقتان مۇسىلمان ادامنىڭ ونداي ءىس شارالارعا قاتىسپاعانى دۇرىس"، – دەيدى قمدب وكىلدەرى.
باسقارما ماماندارى دەنساۋلىعىن جاقسارتۋ نيەتىمەن سۋعا تۇسكىسى كەلەتىندەرگە باسقا كۇندى تاڭداعان ابزال دەيدى.
"كەيبىر ادامدار “بۇل ءدىني راسىمگە ەشقانداي قاتىسىم جوق، مەن بۇل جەرگە تەك دەنساۋلىعىمدى جاقسارتۋ نيەتىممەن بارامىن” دەيدى. ارينە يسلام ءدىنى ءاربىر ادامعا دەنساۋلىعىنا قاراۋعا جانە ەمدەلۋدى بۇيىرادى. ءبىراق مۇنداي شاراعا ءدال وسى كۇنى ەمەس، باسقا كۇنى بارعانى دۇرىس"، – دەيدى.