قالقامان اۋرۋحاناسىنداعى ينتەرندەردىڭ پالاتا تازالاۋى جەلىدە قىزۋ تالقىعا ءتۇستى، دەپ حابارلايدى aqshamnews.kz
الماتىداعى №1 قالقامان قالالىق اۋرۋحاناسىندا پراكتيكادان ءوتىپ جۇرگەن ينتەرن-قىزداردىڭ پالاتا جيناپ جۇرگەن ءساتى تۇسىرىلگەن ۆيدەو Threads جەلىسىندە كەڭىنەن تاراپ، قوعامنىڭ نازارىن اۋدارتتى.
ۆيدەونى جاريالاعان امانگەلدييەۆا ەسىمدى قولدانۋشىنىڭ ايتۋىنشا، جاس ماماندارعا نەگىزگى مەديسينالىق جۇمىستان بولەك، ءبىر بولمەنىڭ شاڭىن كۇنىنە 2–3 رەت ءسۇرتۋ سياقتى مىندەتتەر جۇكتەلگەن. ول سونداي-اق مەدقىزمەتكەردىڭ ينتەرندەرگە «شاڭدى دۇرىس سۇرتىڭدەر» دەپ ەسكەرتۋ جاساعانىن جازادى.
جازبا اۆتورى مۇنى تاجىريبەدەن وتۋشىلەرگە كورسەتىلەتىن قىسىمنىڭ كورىنىسى دەپ باعالاپ، «ينتەرندەردى قورلاۋدى توقتاتۋ كەرەك» دەگەن پىكىر بىلدىرگەن. ونىڭ پايىمىنشا، كەيىن دارىگەرلەردىڭ پراكتيكالىق دايىندىعى ءالسىز دەپ شاعىمداناتىن قوعام، ەڭ الدىمەن، ينتەرندەردى كاسىبي داعدىعا ەمەس، قىزمەت كورسەتۋ جۇمىستارىنا كوبىرەك جۇمسايتىن ىشكى ءتارتىپتىڭ سالدارىن ەسكەرۋى ءتيىس.
سونىمەن بىرگە ول بۇل جاعدايدىڭ دەنساۋلىق ساقتاۋ مينيسترلىگى دەڭگەيىندە قارالعانىن قالايدى. ايتۋىنشا، وزىنە كورسەتىلگەن مەديسينالىق كومەككە شاعىمى جوق، تەك پراكتيكادان وتۋشىلەرگە قاتىستى تالاپ پەن ءتارتىپ ادىلەتتىرەك بولعانىن قۇپ كورەدى.