ءمۇفتيات مۇسىلماندارعا CS2 جانە Dota 2 ويناۋعا تىيىم سالىنعان ايتتى، دەپ حابارلايدى aqshamnews.kz
قازاقستان مۇسىلماندارى ءدىني باسقارماسى مۇسىلماندارعا Counter-Strike 2، Dota 2، GTA، League Of Legends، Minecraft جانە genshin Impact سياقتى ويىنداردى ويناۋعا تىيىم سالدى.
ءمۇفتيات زورلىق-زومبىلىق، كىسى ءولتىرۋ، سوعىس، قۇدايعا قارسى نەمەسە ءدىندى مازاق ەتۋ كورىنىستەرىن قامتيتىن بارلىق ويىنعا قاتاڭ تىيىم سالىنعانىن ايتتى. سونداي-اق ويىندا قۇمارلىق بولماۋ كەرەك دەيدى.
ۆەدومستۆو كومپيۋتەرلىك ويىندارعا جالپى تىيىم سالىنباعانىن ەسكە سالدى. باستىسى دىنگە قايشى كەلمەيتىن، قۇمارلىق ەلەمەنتتەرى مەن بالاعات سوزدەر جوق بولسا بولدى. سونداي-اق كوپ ۋاقىت ارناماۋ كەرەك.