الماتى قالاسى قوعامدىق دامۋ ورتالىعىنىڭ قولداۋىمەن جوباسى ىسكە اسىرىلىپ جاتىر. بۇل جوبا قازاقستاندا وتباسى ينستيتۋتىنىڭ نىعايتۋعا باعىتتالعان ماڭىزدى الەۋمەتتىك باستامالاردىڭ ءبىرى سانالادى.
جوبا اياسىندا وتباسىلىق قۇندىلىقتاردى دارىپتەۋگە باعىتتالعان ديالوگ الاڭى ۇيىمداستىرىلادى. ونىڭ ماقساتى – قوعامداعى اكە بەينەسىنىڭ ماڭىزدىلىعىن تالقىلاۋ، ۇل بالالاردى تاربيەلەۋدە اكەنىڭ ورنى تۋرالى اشىق پىكىر الماسۋ، تاجىريبە ءبولىسۋ. ءىس-شاراعا قوعام بەلسەندىلەرى، وتباسىلىق مەدياتورلار، ساراپشىلار مەن جاس وتباسىلار قاتىستى.
"اتا كورگەن وق جونار" دەيدى، اكە جولى – دەگەن ۇلكەن تاربيە. ودان تاربيە العان ادامدار ەش ۋاقىتتا جامان بولمايدى. اكە مەن شەشە ەشقاشان جامان ءسوز ايتپايدى. ادام بولسىن، ءوسىپ-ونسىن دەيدى. سوندىقتان جاستاردان سۇرايتىنىم – كوپ نارسەگە ەلىكتەمەي، اكە سوزىنە قۇلاق اسقان ءجون"، - دەدى قازاقستاننىڭ ەڭبەك سىڭىرگەن قايراتكەرى، تەاتر اكتەرى باۋىرجان قاپتاعاي.
ايتا كەتكەن ءجون، "اكە جولى – ىزگى جول" جوباسى – وتباسى مەن قوعامنىڭ ءوزارا بايلانىسىن نىعايتۋعا، ۇلتتىق تاربيە مەن ۇرپاقتار ساباقتاستىعىن ساقتاۋعا باعىتتالعان ماڭىزدى قادام. ديالوگ الاڭى ارقىلى قوعام نازارىن اكە ءرولىنىڭ ماڭىزدىلىعىنا اۋدارىپ، جاستاردىڭ بويىندا جاۋاپكەرشىلىك پەن وتانسۇيگىشتىك قاسيەتتەرىن قالىپتاستىرۋ كوزدەلدى.
"تاربيەگە قاتىستى 50-گە جۋىق ديسسەرتاسيا قورعالعان. ءبىراق تاپ وسىنىمەن جۇرسەڭ، بالا تاربيەلەۋدىڭ سىرىن بىلەسىڭ دەگەن جاۋاپ جوق. تەلەفونعا تابىنعان زاماندا بالاعا 5 مينۋت كوڭىل ءبولۋدى قالىس قالدىرىپ بارا جاتىرمىز. بالامەن كۇنىنەن كىشكەنە بولسا دا، كوڭىل بولمەۋ – وسىنىڭ دۇرىس جولدان ءسال بولسا دا اۋىتقىپ كەتۋىنە اسەر ەتەدى. وسىعان نازار سالۋ كەرەك. اكەنىڭ ايتقان ءسوزى ءاردايىم بالانىڭ جادىندا قالادى"، – دەدى قاۋىمداستىرىلعان پروفەسسور، ف.ع. كانديداتى ەرلان قاسەن.