بۇل كۇندەرى الەۋمەتتىك جەلىلەردە قانت ديابەتى، سەرەبرالدى سال اۋرۋى جانە باسقا دا سوزىلمالى اۋرۋلارى بار پاسيەنتتەر مەديسينالىق كومەك پەن دارى-دارمەكتەرگە قول جەتىمدىلىكتىڭ شەكتەۋلەرىنە تاپ بولادى دەگەن جالعان اقپارات تارالىپ ءجۇر - دەپ حابارلايدى Aqshamnews.kz.
دەنساۋلىق ساقتاۋ مينيسترلىگى بۇنىڭ مۇلدەم شىندىققا جاناسپايتىنىن مالىمدەيدى.
دەنساۋلىق ساقتاۋ مينيسترلىگى الەۋمەتتىك ءمانى بار جانە سوزىلمالى اۋرۋلارى بار پاسيەنتتەرگە مەديسينالىق كومەكتىڭ كولەمى مەن ساپاسى بويىنشا كەپىلدىكتەر تولىق كولەمدە ساقتالاتىنىنا سەندىرەدى.
تمككك 11 اۋرۋدى ەمدەۋدى قامتيدى
جاڭارتىلعان تىزبەگە 11 نوزولوگيا كىرەدى، ولار بويىنشا مەديسينالىق كومەكپەن جانە دارى-دارمەكپەن قامتاماسىز ەتۋ تەگىن مەديسينالىق كومەكتىڭ كەپىلدىك بەرىلگەن كولەمى (تمككك) شەڭبەرىندە-پاسيەنتتىڭ ساقتاندىرۋ مارتەبەسىنە قاراماستان ۇسىنىلادى.
تمككك پاكەتىندە مىنالار قالادى:
تۋبەركۋلەز، ايتۆ ينفەكسياسى، سوزىلمالى ۆيرۋستىق گەپاتيتتەر جانە باۋىر سيرروزدارى، قاتەرلى ىسىكتەر، پسيحيكالىق جانە مىنەز-قۇلىق بۇزىلىستارى، ورفاندىق اۋرۋلار، ءجىتى ميوكارد ينفاركتىسى (العاشقى 6 اي)، نەرۆ جۇيەسىنىڭ دەگەنەراتيۆتى اۋرۋلارى، ونج دەميەلينيزاسيالىق اۋرۋلارى، ەپيلەپسيا، سەرەبروۆاسكۋليارلىق اۋرۋلار (ينسۋلتتان كەيىنگى ءجاعداي-بىر جىل بويى).
تىزبەگە العاش رەت مىنالار ەنگىزىلدى:
* ەپيلەپسيا؛
* سەرەبروۆاسكۋليارلىق اۋرۋلار (ينسۋلتتان كەيىنگى جاعداي — ءبىر جىل بويى).
مۇنداي شەشىم ۇزاق مەرزىمدى باقىلاۋدى جانە تۇراقتى دارى-دارمەكپەن ەمدەۋدى قاجەت ەتەتىن اۋىر نيەۆرولوگيالىق اۋرۋلاردان زارداپ شەگەتىن ازاماتتاردى الەۋمەتتىك قورعاۋدى كۇشەيتۋگە باعىتتالعان.
ەپيلەپسيا الەۋمەتتىك ءمانى بار اۋرۋلاردىڭ تىزبەسىنە ەنگىزىلگەن
ديسپانسەرلىك ناۋقاستاردىڭ ءبىرىڭعاي تىركەلىمىنىڭ دەرەكتەرى بويىنشا قازاقستاندا ەپيلەپسيامەن اۋىراتىن 94 مىڭعا جۋىق پاسيەنت، ونىڭ ىشىندە 31 مىڭ بالا تىركەلگەن.
جىل سايىن وسىنداي دياگنوزى بار پاسيەنتتەر 4 ملرد تەڭگەگە جۋىق سوماعا 14 دارىلىك زاتپەن قامتاماسىز ەتىلەدى.
ەپيلەپسيانى الەۋمەتتىك ءمانى بار اۋرۋلار تىزبەسىنە ەنگىزۋ پاسيەنتتەرگە ۋاقتىلى، تەگىن جانە بىلىكتى مەديسينالىق كومەككە قول جەتكىزۋگە كەپىلدىك بەرەدى، سونداي-اق تۇراقتى دارىلىك سۇيەمەلدەۋدى قامتاماسىز ەتەدى.
نەلىكتەن ينسۋلتتان كەيىنگى پاسيەنتتەردى قولداۋ ماڭىزدى
سەرەبروۆاسكۋليارلىق اۋرۋلاردى (ءبىر جىل بويى ينسۋلتتان كەيىنگى جاعداي) ءاما تىزبەسىنە قوسۋ:
* پاسيەنتتەردى ۇزدىكسىز وڭالتۋمەن جانە ديناميكالىق باقىلاۋمەن قامتاماسىز ەتۋگە؛
* قالپىنا كەلتىرۋدىڭ ەڭ ماڭىزدى كەزەڭىندە دارى-دارمەكپەن ەمدەۋدى قامتاماسىز ەتۋگە؛
* قايتالاناتىن تامىرلاردىڭ بۇزىلۋ ءقاۋپىن ازايتۋعا مۇمكىندىك بەرەدى.
ينسۋلتتان كەيىنگى العاشقى 12 اي فۋنكسيالاردى قالپىنا كەلتىرۋدىڭ جانە مۇگەدەكتىكتىڭ الدىن الۋدىڭ شەشۋشى كەزەڭى بولىپ تابىلادى، سوندىقتان مەملەكەت ءدال وسى كەزەڭدە كەپىلدىكتەردى كۇشەيتەدى.
ءمامس جۇيەسىنە اۋىساتىن اۋرۋلار بويىنشا وزگەرىستەر
2026 جىلعى 1 قاڭتاردان باستاپ مىندەتتى الەۋمەتتىك مەديسينالىق ساقتاندىرۋ (ءمامس) پاكەتىنە:
* قانت ديابەتى؛
* بالالاردىڭ سەرەبرالدى سال اۋرۋى؛
* دانەكەر ءتىننىڭ جۇيەلىك زاقىمدانۋى؛
* ريەۆماتيزم.
بۇل رەتتە مەديسينالىق كومەكتىڭ كولەمى قىسقارمايدى - تەك قارجىلاندىرۋ كوزى عانا وزگەرەدى. بارلىق ساقتاندىرىلعان پاسيەنتتەر ءمامس جۇيەسى شەڭبەرىندە ەمدەۋدى، كونسۋلتاسيالار مەن دارى-دارمەكتەردى تەگىن الۋدى جالعاستىرۋدا.
ەرتە انىقتاۋ جانە دياگنوستيكا
العاش رەت بارلىق الەۋمەتتىك ءمانى بار اۋرۋلاردىڭ باستاپقى دياگنوستيكاسى ساقتاندىرۋ مارتەبەسىنە قاراماستان تمككك شەڭبەرىندە جۇرگىزىلەتىن بولادى.
بۇعان دەيىن بۇل تەك ايتۆ ينفەكسياسى جانە تۋبەركۋلەزبەن اۋىراتىن پاسيەنتتەرگە قاتىستى.
بۇل اۋرۋلاردى ەرتە انىقتاۋدى جانە ەمدەۋدى ۋاقتىلى باستاۋدى قامتاماسىز ەتەدى، بۇل دەنساۋلىقتى ساقتاۋدىڭ نەگىزگى فاكتورى بولىپ تابىلادى.
مەملەكەت كەپىلدىكتەرى
مەملەكەت، بۇرىنعىداي، ازاماتتاردىڭ جەڭىلدەتىلگەن ساناتتارىنا قاتىستى بارلىق كەپىلدىكتەردى ساقتايدى:
بالالار، جۇكتى ايەلدەر، زەينەتكەرلەر، ستۋدەنتتەر، مۇگەدەكتەر، جۇمىسسىزدار جانە باسقالار.
بارلىعى - 11 ميلليوننان استام قازاقستاندىق.
سونىڭ ىشىندە - مەملەكەت ەسەبىنەن ساقتاندىرىلعان جانە مەديسينالىق كومەكتى تەگىن الۋدى جالعاستىراتىن بالالاردىڭ سەرەبرالدى سال اۋرۋىمەن (بسا) اۋىراتىن بارلىق پاسيەنتتەر.
دەنساۋلىق ساقتاۋ مينيسترلىگى الەۋمەتتىك ءمانى بار اۋرۋلاردىڭ تىزبەسىن جاڭارتۋ كومەكتى قىسقارتۋ ەمەس، قارجىلاندىرۋ تەتىكتەرىن جەتىلدىرۋ جانە ەڭ وسال پاسيەنتتەر ءۇشىن كەپىلدىكتەردى كۇشەيتۋ ەكەنىن اتاپ كورسەتەدى.
ساقتاندىرۋ جارنالارى جەرگىلىكتى اتقارۋشى ورگاندار ەسەبىنەن تولەنەتىن ازاماتتاردىڭ الەۋمەتتىك وسال ساناتتارىن (D جانە ە ساناتتارى) ساقتاندىرۋدى قارجىلىق قامتاماسىز ەتۋگە ەرەكشە نازار اۋدارىلاتىن بولادى.
2026 جىلعى 1 قاڭتاردان باستاپ قازاقستاندا الەۋمەتتىك ءمانى بار اۋرۋلاردىڭ (ءاما) جاڭارتىلعان تىزبەسى كۇشىنە ەنەدى. شەشىم «كەيبىر زاڭنامالىق اكتىلەرگە مىندەتتى الەۋمەتتىك مەديسينالىق ساقتاندىرۋ جانە مەديسينالىق قىزمەتتەر كورسەتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىن ىسكە اسىرۋ شەڭبەرىندە قابىلداندى.
بۇگىندە قازاقستاندا «قانت ديابەتى» دياگنوزىمەن ديسپانسەرلىك ەسەپتە 535 مىڭنان استام ادام، ونىڭ ىشىندە 5 625 بالا تىركەلگەن. ولاردىڭ بارلىعى قاجەتتى دارى-دارمەكتەردى تەگىن الادى.