ميكروپلاستيك ادام ورگانيزىمىنە اس-سۋ قابىلداعاندا، اۋا، ياعني، تىنىسس العاندا، ءتىپتى، تەرىسىنەن دە ەنە الادى.
بۇل جايىندا islam.kz پورتالى Science News مەرزىمدى باسىلىمىنا سىلتەمە جاساي وتىرىپ ءمالىم ەتەدى، دەپ حابارلايدى Almaty-akshamy.kz.
ساراپشىلاردىڭ سوزىنە قاراعاندا، ميكروپلاستيكتىڭ قورشاعان ورتا مەن تىرشىلىك يەلەرىنە كەرى اسەرى بۇدان بىلاي ارتا بەرەدى. بۇعان پلاستيك ءوندىرىسىنىڭ ۇلعايۋى مەن ونىڭ وڭدەلۋ پروسەسىنىڭ (دالىرەگى، ىدىراۋ پروسەسى) ءوندىرىس قارقىنىنا ىلەسە الماۋى سەبەپ بولماق. فرانچەسكو پراتيسيسو ەسىمدى يتاليالىق عالىم جەتەكشىلىك ەتكەن زەرتتەۋشىلەر بۇل باعىتتاعى تاجىريبە بارىسىندا ارتەريالاردىڭ ىشىندەگى پلاستيكتىڭ كۇلدەي ۇساق بولشەكتەرىنىڭ جۇرەك-قان تامىرلارى اۋرۋلارىنىڭ ءقاۋپىن ايتارلىقتاي ارتتىراتىنىن انىقتادى.
اتالمىش زەرتتەۋگە اتەروسكلەروزبەن اۋىراتىن 257 ناۋقاس قاتىسقان. بۇل تاراپتاعى تالداۋ ناتيجەسى كورسەتكەندەي، ميكروپلاستيكتەردىڭ بولۋى ينفاركت نەمەسە ينسۋلت ءقاۋپىن شامامەن ءتورت ەسە ارتتىرادى. ينفاركت العان ادامنىڭ جارىمجان جانعا اينالۋ قاتەرى تىم جوعارى. ميكروپلستيكتىڭ وسىنداي ءقاۋىپتى سالدارى بەلگىلى بولىپ وتىر.