مانەرلەپ سىرعاناۋدان قازاقستان ەرلەر قۇراماسىنىڭ كوشباسشىسى ميحايل شايدوروۆ 2025 جىلى قىتايدىڭ حاربين قالاسىندا ءوتىپ جاتقان ازيا ويىندارىندا ءۇشىنشى ورىن الدى.
مانەرلەپ سىرعاناۋشى ەركىن باعدارلامادا 169،26 ۇپاي جينادى. جالپى ۇپاي سانى – 246،01. بۇل ناتيجە شايدوروۆقا قولا مەدال اكەلدى.
جارىستا جەڭىسكە وڭتۇستىك كورەيا سپورتشىسى چا دجۋن حۆان جەتتى – 281،69 ۇپاي. ال كۇمىس جۇلدەنى جاپوندىق يۋما كاگياما يەلەندى – 272،76 ۇپاي.
دياس جيرەنبايەۆ 186.18 ۇپايمەن توعىزىنشى ورىن الدى.
ايتا كەتەيىك، قازاقستان سوڭعى رەت ازيا ويىندارىندا بۇل سپورت تۇرىنەن 2017 جىلى مەدال العان ەدى. ول كەزدە ەليزابەت تۇرسىنبايەۆا قولا جۇلدەگەر اتانعان بولاتىن.