قازاقستان مۇسىلماندارى ءدىني باسقارماسىنىڭ 35 جىلدىق مەرەيتويىنا وراي ءمۇفتيات ورتالىق اپپارات قىزمەتكەرلەرى مەن وبلىستاردىڭ باس يمامدارىنان قۇرالعان كوماندالار اراسىندا فۋتبولدان تۋرنير ۇيىمداستىرىلدى، - دەپ حابارلايدى Aqshamnews.kz.
ءمۇفتياتتىڭ حابارلاۋىنشا، سپورتتىق شارا ءدىني قىزمەتكەرلەر اراسىندا سالاۋاتتى ءومىر سالتىن ناسيحاتتاۋعا جانە ءوزارا ىنتىماقتاستىقتى ارتتىرۋعا باعىتتالدى.
تۋرنيرگە بارلىعى 6 كوماندا قاتىسىپ، تارتىستى كەزدەسۋلەر وتكىزدى. ىرىكتەۋ كەزەڭدەرىندە ۇزدىك ناتيجە كورسەتكەن كوماندالار فينالدىق كەزەڭگە جولداما الىپ، جۇلدەلى ورىندار ءۇشىن ءوزارا ب ا ق سىناستى.
جارىس قورىتىندىسى بويىنشا ءبىرىنشى ورىندى «ەسىل» كومانداسى، ەكىنشى ورىندى «تارباعاتاي» كومانداسى، ال ءۇشىنشى ورىندى «جايىق» كومانداسى يەلەندى.
سونىمەن قاتار تۋرنير بارىسىندا ەرەكشە كوزگە تۇسكەن ويىنشىلار جەكەلەي نوميناسيالار بويىنشا ماراپاتتالدى. اتاپ ايتقاندا، «ۇزدىك ويىنشى» اتالىمى ماحامبەت ەسكەندىر مەن ەلبەك تاسبولاتۇلىنا بۇيىردى. «ۇزدىك شابۋىلشى» نوميناسياسىمەن ەستاي ءابدىعالي مەن نۇرسۇلتان ەسپولوۆ ماراپاتتالدى. «ۇزدىك قاقپاشى» رەتىندە نۇربولات سىدىقوۆ، ال «ۇزدىك قورعاۋشى» اتالىمىمەن اعابەك سىدىقوۆ تانىلدى.
