الماتىدا بەلگىلى قوعام بەلسەندىسى، اتىشۋلى امانتاي قاجى ۇستىنەن قوزعالعان قىلمىستىق ىسكە قاتىستى اqshamnews.kz تىلشىسىنە پىكىر ءبىلدىردى. ول وزىنە تاعىلعان ايىپتى جوققا شىعاردى.
امانتاي قاجىنىڭ جاۋابى
“امانتاي قاجىنى 15 تاۋلىككە وتىرعىزىپ قويدى دەپ جۇرگەننىڭ ءبارى وتىرىك. شىن مانىندە ەشتەڭە دە بولعان جوق، ءجۇرمىن عوي مىنە. مەن ستاديونعا 50 جىلدان اسا بارامىن. سول كەزدە بيعايشا دەگەن ايەل ءىشىپ الىپ، الدىمنان شىعىپ، قۇشاقتايدى. مەن قولىن قاعىپ جىبەردىم بولدى. مەن ونى ۇرعان جوقپىن، ونىڭ ۇستىنە يتەرمەدىم دە. ارتىنشا اۋرۋحاناعا باردىق. وعان قاتتى ەشتەڭە بولماعان. ءقازىر ءجۇر شاي ءىشىپ”، - دەيدى امانتاي قاجى.
بۇعان دەيىن نە ايتىلدى؟
امانتاي قاجى زەينەتكەر ايەلدى باسپالداقتان قاساقانا يتەرىپ جىبەرگەن دەگەن كۇدىكپەن قاجىعا قاتىستى تەرگەۋ باستاعان بولاتىن.
الماتى قالاسى پوليسيا دەپارتامەنتىنىڭ مالىمەتىنشە، المالى اۋداندىق پوليسيا باسقارماسى اتالعان دەرەك بويىنشا ق ر قىلمىستىق كودەكسىنىڭ 107-بابى ("دەنساۋلىققا قاساقانا ورتاشا اۋىرلىقتاعى زيان كەلتىرۋ") بويىنشا ءىس قوزعاعان. زەينەتكەر ايەلدىڭ العان جاراقاتىنىڭ اۋىرلىق دەڭگەيىن انىقتاۋ ءۇشىن سوت-مەديسينالىق ساراپتاما تاعايىندالدى. ساراپتاما ناتيجەسىنە ساي، تەرگەۋ شەڭبەرىندە پروسەسسۋالدىق شەشىم قابىلدانباق.
قانداي جازا قاراستىرىلعان؟
ەگەر قاجىنىڭ كىناسى دالەلدەنسە، زاڭ بويىنشا وعان:
-
ەكى جىلعا دەيىن باس بوستاندىعىنان ايىرۋ، نەمەسە
-
مىڭ ايلىق ەسەپتىك كورسەتكىش (شامامەن 4 ميلليون تەڭگە) كولەمىندە ايىپپۇل سالىنۋى مۇمكىن.