الماتىنىڭ قالا قۇرىلىسىن باقىلاۋ باسقارماسى احمەدياروۆ كوشەسى، 18/58 مەكەنجايىنداعى كولىك جۋۋ جانە سەرۆيس ورتالىعىنىڭ سۇرىلگەنى تۋرالى حابارلادى.
جوسپاردان تىس تەكسەرىس بارىسىندا جوبالىق-سمەتالىق قۇجاتتاماسىز، اۆتورلىق جانە تەحنيكالىق قاداعالاۋسىز، بۇرىنعى عيماراتتى بۇزىپ، ەكى ءبىرقاباتتى عيماراتتىڭ سالىنىپ، ولار كولىك جۋۋ جانە ماي اۋىستىرۋ بەكەتى رەتىندە پايدالانىلىپ جاتقانى انىقتالدى.
نىسان يەسىنە قاتىستى اكىمشىلىك شارالار قولدانىلىپ، عيماراتتاردى بۇزۋ تۋرالى نۇسقاما بەرىلدى.
2024 جىلى 16 قاڭتاردا باسقارما الماتى قالاسى مامانداندىرىلعان اۋدانارالىق ەكونوميكالىق سوتىنا اتالعان نۇسقامانى ماجبۇرلەپ ورىنداتۋ تۋرالى تالاپ ارىز بەردى.
سوت باسقارمانىڭ تالابىن قاناعاتتاندىرىپ، 2024 جىلى 20 ماۋسىمدا الماتى قالالىق سوتىنىڭ قاۋلىسىمەن ءبىرىنشى ساتىلى سوت شەشىمى وزگەرىسسىز قالدىرىلدى.
بۇگىندە سوت شەشىمىن ورىنداۋ ماقساتىندا زاڭسىز سالىنعان عيماراتتاردى يەسى ءوزى بۇزىپ تاستادى.