ءابىلحان قاستەيەۆ اتىنداعى ق ر مەملەكەتتىك ونەر مۋزەيىندە مالىك قايداروۆتىڭ «مەنىڭ جانىمنىڭ بوياۋلارى» اتتى كورمەسى اشىلدى. ەكسپوزيسيادا 30-دان استام كوركەم جانە گرافيكالىق شىعارما ۇسىنىلدى.
مالىك قايداروۆ – كەسكىندەمەشى، جانرلىق تۋىندىلار سۋرەتشىسى، قايتالانباس كوركەمدىك الەمىن قامتيتىن اياقتالعان كومپوزيسيالاردى جاساي بىلەتىن پورترەتشى شەبەر. ەكسپوزيسيادا شەبەردىڭ كوپفيگۋرالى كەسكىندەمە تۋىندىلارىن جاساۋعا ويلاستىرىلعان كوزقاراسىن ايعاقتايتىن ءار جىلدارداعى تۋىندىلار مەن نوبايلار ۇسىنىلعان. شەبەر ءتۇرلى ادىستەردى، ماسەلەن، قارىنداشتىڭ جۇمساقتىعىن، تۋش سىزىقتارىنىڭ جىلدامدىعىن، پاستەلدىڭ ءتۇس قانىقتىعىن كورسەتە وتىرىپ، اشىق ارەكەت ارقىلى لەزدە ىس-قيمىلمەن ءساتتى بەكىتۋگە قول جەتكىزەدى.
سۋرەتشىنىڭ كوپتەگەن شىعارماسى ءومىرباياندىق رەڭكتە كورىنىس تاپقان. اسىرەسە، بالالىق شاقتاعى كورىنىستەر سەنىمدى، جان دۇنيەڭە ەنىپ كەتەتىندەي بوپ ورىندالعان. جەكە ءومىرىنىڭ وتكەنىن بەينەلەي وتىرىپ، اينالاسىنداعى ادامدار مەن ولاردىڭ ورتاسىنىڭ ۇلتتىق بولمىسىنىنىڭ وزگەرۋىن وزىنە عانا ءتان تاسىلمەن بەينەلەيدى.
– مالىكتىڭ شىعارماشىلىعىندا ۇلتتىق ەرەكشەلىكتەرگە باسا ءمان بەرىلگەتىنى داۋسىز. ايتسە دە، ونىڭ كارتينالارىندا كوپمادەنيەتتى ەلەمەنتتەر باستاۋى بار. كوركەمسۋرەت مەكتەبىنىڭ نەگىزىن ماسكەۋدە الىپ، باتىس ەۋروپا ونەرىنىڭ ۇردىستەرىن يگەرە وتىرىپ، ول ءوز شىعارماشىلىعىندا ۇلتتىق جانە وڭىرلىك ەرەكشەلىكتەردىڭ ەستەتيكالىق تاجىريبەسىنە اسا قىزىعۋشىلىق تانىتادى. سۋرەتشى ءۇشىن شارتتى نارسە – كورگەن، سەزگەن ناقتى دۇنيەسىن ءوز الەمىنە ەنگىزىپ، اسەرلى، كوركەم ۇمتىلۋ. اسىرەسە، ونىڭ نازىك بوياۋشى رەتىندەگى تاڭعاجايىپ دارىندىلىعىن جانە شىعارماشىلىق مانەرىنىڭ ەرەكشەلىكتەرىن ايعاقتايتىن ەسكيزدەرى قىزىقتى. جانرلىق كورىنىستەردى قامتيتىن ەرەكشە پەيزاجدارى دا اسەرلى. كۇنگە تولى كومپوزيسيالارى قازاقستاننىڭ ءتۇرلى ايماقتارىنىڭ ءومىرى مەن باي تابيعاتى تۋرالى باياندايدى، – دەيدى دەيدى كورمە جەتەكشىسى، ونەرتانۋ كانديداتى سۆەتلانا كوبجانوۆا.