الماتى قالاسىنىڭ قىلمىستىق اتقارۋ جۇيەسى دەپارتامەتىنە قاراستى №11 مەكەمەسىنەن “شىققان ءورت” تاكتيكالىق وقۋ-جاتتىعۋ كەزىندە دەر كەزىندە ءسوندىرىلدى.
ءيا، جەكە قۇرام اراسىندا توتەنشە جاعدايداعى ءورت شىعۋ كەزىندە ىس-ارەكەتتى جەتىلدىرۋ ماقساتىندا جەتىسۋ اۋدانىنىڭ توتەنشە جاعدايلار باس مامانى ازاماتىق قورعاۋ اعا لەيتەنانتى ب.امانبەكوۆ جانە "پچ-8" قاراۋىل باستىعى ازاماتتىق قورعاۋ اعا لەيتەنانتى ا.امانتايەۆپەن بىرلەسىپ، ءورت شىققان كەزدە ونىڭ الدىن الۋ جانە جەدەل ءوشىرۋ وقۋ-جاتتىعۋى ءساتتى ءوتتى.
جاسوسپىرىمدەر جازاسىن وتەپ جاتقان تۇزەۋ مەكەمەسى اۋماعىنداعى مەكتەپتىڭ ەكىنشى قاباتىنان "ءورت شىققان" بولاتىن. ونى العاش بايقاعان باقىلاۋشى مەكەمە باسىتىعىنىڭ كەزەكشى كومەكشىسىنە دەرەۋ حابارا بەرىپ، بۇدان ءارى مبكك مەكەمە باسشىلىعىنا بايانداپ، ءتيىستى ءىس-شارالار قابىلدانا باستادى.
مەكەمە جەكە قۇرامىنىڭ كۇشىمەن بارلىق سوتتالعاندار توتەنشە جاعدايداعى قاۋىپسىزدىك ورنىنا شىعارىلىپ، ءتارتىپ ساقشىلارىنىڭ باقىلاۋىنا الىندى. سونىمەن قاتار جەكە قۇرام دابىل پارمەنى بويىنشا شاقىرتىلىپ، مەكەمە تاراپىنان بارلىق وفيسەر جانە باقىلاۋشى جۇمىلدىردى. سوتتالعانداردىڭ قاشۋىنا جانە سىرتقى اۋماقتان وزگە تۇلعالاردىڭ كىرۋىنە جول بەرمەۋ ماقساتىندا، قوسىمشى ترانسپورتتىڭ باقىلاۋ پۋنكتىنە كينولوگ-باقىلاۋشىسى قىزمەتتىك يتپەن جانە سىرتىق ءىز كەسۋ جولاعىنا باقىلاۋشى قويىلدى.
الماتى قالاسى جەتىسۋ اۋداندىق توتەنشە سۋ شاشقىش ارنايى اۆتوكولىگى قىزمەتكەرلەرى دەر كەزىندە كەلىپ، ءورتتىڭ بەتىن قايتاردى. جالىن ىشىندە قالىپ قويعان ەكى سوتتالۋشى ءجاسوسپىرىم دە امان-ەسەن سىرتقا شىعارىلىپ، ولارعا العاشقى مەديسينالىق كومەك كورسەتىلدى.
– مەكەمە اۋماعىنداعى مەكتەپ عيماراتىنان شىققان ءورت توتەنشە جاعداي سالاسى ماماندارىنىڭ ءابجىل قيمىلدارى ارقاسىندا جەدەل اۋىزدىقتالدى. وسى تاكتيكالىق وقۋ-جاتتىعۋىن وتكىزۋ كەزىندە سوتتالعاندار تاراپىنان توپتىق باعىنباۋشىلىق، جاپپاي تارتىپسىزدىك نەمەسە قاشۋعا ارەكەت ەتۋ سياقتى قۇقىق بۇزۋشىلىق ورىن العان جوق. ءوزىمنىڭ ارىپتەستەرىمە دە، وقۋ-جاتتىعۋعا قاتىسقان جەتىسۋ اۋدانىنىڭ توتەنشە جاعدايلار ماماندارىنا دا العىسىن بىلدىرەمىن، – دەيدى №11 مەكەمە باستىعىنىڭ مىندەتىن اتقارۋشى ادىلەت پودپولكوۆنيگى نۇرلان كەرەبايەۆ.