25 قازان – رەسپۋبليكا كۇنى قارساڭىندا الماتى قالاسى اكىمىنىڭ اپپاراتىنىڭ ىشكى اۋديت قىزمەتىنىڭ بۇرىنعى باسشىسى روزا حاكىم قىزى مودانوۆا «مەملەكەتتىك قىزمەت ارداگەرى» توسبەلگىسىمەن ماراپاتتالدى.
روزا مودانوۆانىڭ جالپى ەڭبەك ءوتىلى – 34 جىل 4 اي، ونىڭ ىشىندە 16 جىل 4 ايى مەملەكەتتىك قىزمەتكە تيەسىلى، - دەپ حابارلايدى Aqshamnews.kz.
2024 جىلى اقپان ايىندا ول زەينەت جاسىنا جەتىپ، ىشكى اۋديت جۇيەسىن دامىتۋ جانە اكىمدىك قۇرىلىمىنداعى كادر ءىسىن جەتىلدىرۋمەن بايلانىستى كوپ جىلعى ەڭبەك جولىن اياقتادى.
ۆەدومستۆولىق ناگرادانى تابىستاۋ راسىمىنە قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگىنىڭ الماتى قالاسى بويىنشا دەپارتامەنتىنىڭ باسشىسى ەركەبولات نۇرجىگىتوۆ، قالا اكىمى اپپاراتىنىڭ باسشىسى ەرلان يسابەكوۆ جانە ءبىرىڭعاي پەرسونالدى باسقارۋ قىزمەتىنىڭ وكىلدەرى قاتىستى.