قۇرمەتتى سۋديالار جانە سوت قىزمەتكەرلەرى!
بيىل – سوت تورەلىگىن اتقارۋعا جاۋاپتى ازاماتتار ءۇشىن ايرىقشا ماڭىزدى جىل. سەبەبى، وسىدان 30 جىل بۇرىن ەل ەگەمەندىگىنىڭ، ادامداردىڭ قۇقىقتارى مەن بوستاندىقتارىن ساقتاۋدىڭ مىزعىماس تىرەگى سانالاتىن قازاقستان كونستيتۋسياسى قابىلداندى.
قۋاتتى ءارى تاۋەلسىز سوت جۇيەسى قۇقىق ۇستەمدىگىن قامتاماسىز ەتۋ، سونداي-اق «زاڭ جانە ءتارتىپ» قاعيداتىن ورنىقتىرۋ ىسىندە شەشۋشى ءرول اتقارادى. سوندىقتان ءبىز وسى ستراتەگيالىق ماڭىزى بار سالادا جۇيەلى تۇردە رەفورما جۇرگىزىپ كەلەمىز. سوت ءىسى جەتىلدىرىلىپ، باسقارۋ ۇدەرىستەرى وڭتايلاندىرىلىپ، وسى سالاعا سيفرلىق تەحنولوگيالار ەنگىزىلىپ جاتىر. 1 شىلدەدەن باستاپ قىلمىستىق، ازاماتتىق جانە اكىمشىلىك ىستەر جونىندەگى ءۇش دەربەس كاسساسيالىق سوت جۇمىس ىستەي باستايدى. بۇل قادام ازاماتتاردىڭ جانە بيزنەستىڭ ءوز قۇقىقتارى مەن زاڭدى مۇددەلەرىن قورعاۋعا ارنالعان ينستيتۋسيونالدىق مۇمكىندىگىن ەداۋىر اتتىرادى.
جۇرتشىلىقتىڭ ادىلدىككە دەگەن سەنىمى كوبىنەسە سۋديالاردىڭ كاسىبي بىلىكتىلىگىنە، كەز كەلگەن ءىستى قاراعان كەزدە ۇستانىمىنا بەرىك بولىپ، بەيتاراپتىق تانىتا الۋىنا تىكەلەي بايلانىستى. وسى ماڭىزدى ءارى جاۋاپتى ميسسيا تەرەڭ قۇقىقتىق ءبىلىمدى، زاڭ ۇستەمدىگىن ۇنەمى بارىنەن بيىك قويۋدى تالاپ ەتەدى.
سوت قىزمەتكەرلەرى مەن ارداگەرلەرىنە قاجىرلى ەڭبەگى مەن ءوز كاسىبىنە ادالدىعى ءۇشىن شىنايى ريزاشىلىعىمدى بىلدىرەمىن.
سىزدەر ادىلەتتى قازاقستاندى قۇرۋ ىسىنە ولشەۋسىز ۇلەس قوسا بەرەسىزدەر دەپ سەنەمىن!
بارشاڭىزعا زور دەنساۋلىق، باق-بەرەكە، تولاعاي تابىس تىلەيمىن!