قاسىم-جومارت توقايەۆ جيلبەر ۋنگبوعا ءىلتيپات ءبىلدىرىپ، ونىڭ بۇل ساپارى قازاقستان مەن حالىقارالىق ەڭبەك ۇيىمىنىڭ اراسىنداعى ىنتىماقتاستىققا تىڭ سەرپىن بەرۋ تۇرعىسىنان اسا ماڭىزدى ەكەنىن ايتتى، دەپ حابارلايدى aqshamnews.kz
پرەزيدەنت حالىقارالىق ەڭبەك ۇيىمىنىڭ الەۋمەتتىك ادىلدىك قاعيداتتارىن جاھاندىق اۋقىمدا دامىتۋداعى رولىنە توقتالدى.
– ءبىز ادىلەتتى قازاقستاندى قۇرىپ جاتىرمىز. بۇل تۇجىرىمداما سىزدەردىڭ الەۋمەتتىك ادىلدىك باستامالارىڭىزبەن ۇندەس. حالىقارالىق ەڭبەك ۇيىمىنىڭ سەنىمدى ءارى ءادىل، ءتيىمدى الەۋمەتتىك كەلىسىمدى قامتاماسىز ەتۋ، سونداي-اق ەڭبەككەرلەردىڭ قۇقىعىن ىلگەرىلەتۋ ىسىندەگى ميسسياسى ەشقانداي تالاس تۋدىرمايدى. قازاقستان ۇيىمنىڭ 25 نەگىزگى كونۆەنسياسىن راتيفيكاسيالادى. بۇل جۇمىس جالعاسا بەرەدى، – دەدى پرەزيدەنت.
مەملەكەت باسشىسى ازاماتتاردىڭ ءال-اۋقاتىن ارتتىرۋ، زاڭ ۇستەمدىگى مەن ادام قۇقىعىن قورعاۋ باعىتىندا قازاقستاندا اتقارىلىپ جاتقان جۇمىستار جايىندا مالىمەت بەردى.
