بۇگىندە سپورتتىق جارىستارعا بارلىعى 89 ەلدەن 2430 قاتىسۋشى تىركەلگەن. ونىڭ ىشىندە، جاتتىقتىرۋشىلار، سپورتشىلار، مادەني جانە عىلىمي جوبالارعا قاتىساتىن ادامدار كىرەدى. بۇل تۋرالى وكق قىزمەتىنىڭ الاڭىندا وتكەن باسپا ءسوز كونفەرەنسياسىندا 5ء-شى دۇنيەجۇزىلىك كوشپەندىلەر ويىندارىن دايىنداۋ جانە وتكىزۋ جونىندەگى ديرەكسيا باسشىسىنىڭ ورىنباسارى ابىلاي قوندىبايەۆ ءمالىم ەتتى، دەپ حابارلايدى aqshamnews.kz.
«ويىنداردا 21 سپورت ءتۇرى بويىنشا 97 مەدال جيىنتىعى ساراپقا سالىنادى. مەدالدىڭ جالپى سانى – 581 دانا. 5ء-شى دۇنيەجۇزىلىك كوشپەندىلەر ويىندارىنىڭ جالپى جۇلدە قورى – 250 ملن تەڭگە»، - دەدى سپيكەر.
عىلىمي باعدارلاماعا 12 ەلدەن 75 قاتىسۋشى تىركەلگەن. عىلىمي كونفەرەنسيا 9 قىركۇيەك كۇنى وتەدى. ال ەتنواۋىلدا 100-دەن استام مادەني ءىس-شارا ۇيىمداستىرىلادى.