پرەزيدەنت قاسىم-جومارت توقايەۆقا قازاقستاننىڭ ازياداعى ءوزارا ءىس-قيمىل جانە سەنىم شارالارى جونىندەگى كەڭەسكە ءتوراعالىعى اياسىندا ۇسىنعان باستامالارى مەن باسىمدىقتارىنىڭ جۇزەگە اسىرىلۋ بارىسى جونىندە مالىمەت بەرىلدى، دەپ حابارلايدى اlmaty-akshamy.kz.
اوسشك باس حاتشىسى قايرات سارىباي پرەزيدەنتكە فورۋمدى ينستيتۋسيونالدىق تۇرعىدان نىعايتۋ ءۇشىن اتقارىلىپ جاتقان جۇمىستار تۋرالى ايتتى.
مەملەكەت باسشىسى كەڭەستى حالىقارالىق ۇيىمعا اينالدىرۋ جولىندا قازاقستان ايتارلىقتاي بەلسەندىلىك تانىتىپ وتىرعانىن اتاپ ءوتتى. قاسىم-جومارت توقايەۆ اوسشك-تىڭ تۇراقتى قۇرىلىمدارى قىزمەتىنىڭ تيىمدىلىگىن ارتتىرۋ جانە ونىڭ گەوگرافياسى مەن سىرتقى بايلانىستارىن كەڭەيتۋ ارقىلى بىرلەستىكتى ودان ءارى دايەكتى تۇردە دامىتۋ قاجەت ەكەنىنە نازار اۋداردى.
پرەزيدەنت كەڭەس حاتشىلىعىنىڭ قىزمەتىنە ايرىقشا ءمان بەرىپ، ەلىمىز ونىڭ بارلىق دەڭگەيدەگى جۇمىسىنا اتسالىسا بەرەتىنىن مالىمدەدى.