سەنات «مەملەكەتتiك ساتىپ الۋ تۋرالى» زاڭدى جانە وعان ىلەسپە 2 قۇجاتتى ماقۇلدادى، دەپ حابارلايدى اlmaty-akshamy.kz.
«سەناتتىڭ قاراۋىنا مەملەكەتتiك ساتىپ الۋ تۋرالى، قازاقستان رەسپۋبليكاسىنىڭ كەيبىر زاڭنامالىق اكتىلەرىنە ساتىپ الۋ جانە ارتىق زاڭنامالىق رەگلامەنتتەۋدى بولعىزباۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى، اكىمشىلىك قۇقىق بۇزۋ تۋرالى كودەكسىنە وزگەرىستەر مەن تولىقتىرۋلار ەنگىزۋ تۋرالى زاڭدار ۇسىنىلىپ وتىر. مەملەكەتتىك ساتىپ الۋ تۋرالى زاڭ ساتىپ الىناتىن تاۋارلاردىڭ، جۇمىستار مەن كورسەتىلەتىن قىزمەتتەردىڭ ساپاسىن ارتتىرۋعا، شامادان تىس رەگلامەنتتەۋدى بولدىرماۋعا، ساتىپ الۋ راسىمدەرىن ودان ءارى اۆتوماتتاندىرۋعا جانە وڭايلاتۋعا، ساتىپ الۋ بويىنشا ءبىرىڭعاي پلاتفورما قۇرۋعا باعىتتالعان»، — دەدى زاڭ جوبالارى تۋرالى بايانداما جاساعان سەناتور الىبەك ناۋتييەۆ.
ونىڭ اتاپ وتۋىنشە، زاڭدا مىنا ماسەلەلەر قاراستىرىلعان:
— ساتىپ الۋ راسىمدەرىن وڭتايلاندىرۋ جانە ولاردى قاراۋ مەرزىمىن قىسقارتۋ؛
— شاعىن جانە ورتا كاسىپكەرلىك سۋبەكتىلەرى ءۇشىن مەملەكەتتىك ساتىپ الۋ ۋاكىلەتتى ورگان بەكىتەتىن تارتىپپەن جانە كولەمدەردە تاۋارلاردىڭ، جۇمىستاردىڭ، كورسەتىلەتىن قىزمەتتەردىڭ تىزبەسى بويىنشا جۇزەگە اسادى؛
— ءبىر كوزدەن الۋ تاسىلىمەن وفتەيك-كەلىسىمشارت جاساسۋ مۇمكىندىگى؛
— مەملەكەتتىك ساتىپ الۋعا جوسىقسىز قاتىسۋشىلار تىزىلىمىندەگى زاڭدى تۇلعالاردى باسقارۋعا، مەكەمەگە، جارعىلىق كاپيتالىنا قاتىسۋعا بايلانىستى اففيلييرلەنگەن كومپانيالاردىڭ جانە تۇلعالاردىڭ ساتىپ الۋعا قاتىسۋىن شەكتەۋ جونىندەگى شارالاردى كۇشەيتۋ.
«سونداي-اق، وبەكتىنى جوبالاۋ، سالۋ جانە پايدالانۋعا بەرۋدەن باستاپ سول جوبانى ىسكە اسىرۋدىڭ بارلىق كەزەڭدەرىندە ءبىر جەتكىزۋشىنىڭ جاۋاپكەرشىلىگىن بەلگىلەي وتىرىپ، تولىق دايىن تۇرىندە بەرىلەتىن قۇرىلىس تۋرالى شارتىن، ياعني كەشەندى تولىق دايىن تۇرىندە بەرىلەتىن قۇرىلىستى جاساسۋ كوزدەلەدى. شاعىن ساتىپ الۋدى جەدەل جۇزەگە اسىرۋ ءۇشىن ءبىر كوزدەن 100 ايلىق ەسەپتىك كورسەتكىشكە دەيىنگى تاۋارلاردى، جۇمىستار مەن قىزمەتتەردى 500 ايلىق ەسەپتىك كورسەتكىشكە دەيىن، اۋداندىق ماڭىزى بار قالالار، اۋىلدار، كەنتتەر، اۋىلدىق وكرۋگتەر اكىمدەرىنىڭ اپپاراتتارى ءۇشىن تاۋارلاردى، جۇمىستار مەن قىزمەتتەردى 4 000 ايلىق ەسەپتىك كورسەتكىشكە دەيىن ساتىپ الۋ مۇمكىندىگى كوزدەلگەن. سونىمەن قاتار، زاڭدا مىندەتتەمەلەردى تيىسىنشە ورىنداۋ ماقساتىندا ءونىم بەرۋشى قوسالقى مەردىگەرلەرگە بەرەتىن جۇمىستار (قىزمەتتەر) كولەمىن 50-دەن 30 پايىزعا دەيىن قىسقارتۋ كوزدەلگەن. بۇل رەتتە قوسالقى مەردىگەرلەرگە ورىندالاتىن جۇمىستاردىڭ نەمەسە كورسەتىلەتىن قىزمەتتەردىڭ كولەمىن وزگە قوسالقى مەردىگەردىڭ بەرۋىنە تىيىم سالىنادى»، — دەدى سەناتور.
ونىڭ اتاپ وتۋىنشە، ىلەسپە زاڭدا «مەملەكەتتىك ساتىپ الۋ تۋرالى» نەگىزگى زاڭعا سايكەس كەلتىرۋگە، سونداي-اق نورمالاردىڭ ارتىق زاڭنامالىق رەگلامەنتتەلۋىن بولدىرماۋعا باعىتتالعان اكىمشىلىك راسىمدىك-پروسەستىك كودەكسكە جانە قازاقستان رەسپۋبليكاسىنىڭ 17 زاڭىنا وزگەرىستەر مەن تولىقتىرۋلار ەنگىزىلەدى.
اتاپ ايتقاندا، اكىمشىلىك راسىمدىك-پروسەستىك كودەكستە مەملەكەتتىك ساتىپ الۋ قورىتىندىلارىن قاراۋ جانە شاعىمدانۋ مەرزىمدەرىن قىسقارتۋ، سونداي-اق اپەللياسيالىق ساتىداعى سوت قاۋلىلارىنىڭ زاڭدى كۇشىنە ەنۋى جانە تاعى باسقالارى كوزدەلەدى.
«سونداي-اق، اكىمشىلىك قۇقىق بۇزۋ تۋرالى كودەكسكە ءونىم بەرۋشى ونىمەن جاسالعان مەملەكەتتىك ساتىپ الۋ تۋرالى شارت بويىنشا مىندەتتەمەلەردى ورىنداماعان نە تيىسىنشە ورىنداماعان جاعدايدا ءونىم بەرۋشىلەردى مەملەكەتتىك ساتىپ الۋعا جوسىقسىز قاتىسۋشى دەپ تانۋ تۋرالى تالاپپەن سوتقا جۇگىنبەگەنى نەمەسە ۋاقتىلى جۇگىنبەگەنى ءۇشىن تاپسىرىس بەرۋشىنىڭ جاۋاپكەرشىلىگىن كوزدەيتىن تۇزەتۋلەر ەنگىزىلەدى»، — دەدى ول.