ءابىلقايىر سقاقوۆ دەنساۋلىق ساقتاۋ ارداگەرلەرىمەن جانە ساراپشىلارىمەن جۇيەنى دامىتۋ تەتىكتەرىن تالقىلاپ، قالاداعى مەديسينالىق ۇيىمداردىڭ جۇمىسىمەن تانىستى، دەپ حابارلايدى اlmaty-akshamy.kz.
باسقارما ءتوراعاسى دەنساۋلىق ساقتاۋ ساراپشىلارىمەن جانە ارداگەرلەرىمەن كەزدەسۋ بارىسىندا 2024-2025 جىلدارعا ارنالعان قوردى دامىتۋدىڭ پەرسپەكتيۆالىق جوسپارىن تانىستىردى. وندا ءمامس تۇراقتىلىعىن قامتاماسىز ەتۋ، حالىقتى جۇيەگە تارتۋدى كۇشەيتۋ، مەديسينالىق قىزمەتتەر مونيتورينگى ساپاسىن ارتتىرۋ، سيفرلاندىرۋ، ازاماتتاردىڭ حاباردار بولۋىن جانە قوردىڭ اشىقتىق دارەجەسىن كوتەرۋ، سونداي-اق ينستيتۋسيونالدىق باستامالار بويىنشا جۇيەلى شارالار ۇسىنىلدى.
ءوز كەزەگىندە سالا ساراپشىلارى دارىگەرلەردىڭ جۇكتەمەسىن ەسكەرىپ، مەديسينا قىزمەتكەرلەرىن كومپيۋتەرلىك جۇمىستان بوساتۋ بويىنشا، جەكە مەديسينالىق ورتالىقتار باس تارتاتىن اۋىر ناۋقاستاردى قابىلداۋعا ءماجبۇر بولعان مەملەكەتتىك اۋرۋحانالاردى قولداۋعا، جەتكىزۋشىلەر اراسىندا قاراجات ءبولۋ تاسىلدەرىن قاراستىرۋعا قاتىستى ءوز ۇسىنىستارىن ايتتى.
ىزىنشە قالانىڭ مەديسينالىق ۇيىمدارىنىڭ باسشىلارىمەن كەزدەسۋ ءوتتى. وندا ۋاقتىلى قارجىلاندىرۋ جانە بىرلەسىپ ورىنداۋشىلارمەن قارىم-قاتىناس جايى تالقىلاندى.
«2024 جىلى الماتىلىقتارعا مەديسينالىق كومەك كورسەتۋگە 334،7 ملرد تەڭگە ءبولىندى، ونىڭ ىشىندە ءمامس بويىنشا – 159،6 ملرد تەڭگە، تمككك شەڭبەرىندە – 175،1 ملرد تەڭگە. جىل باسىنان بەرى تولەم پروسەستەرىن اۆتوماتتاندىرۋ بويىنشا جۇرگىزىلىپ جاتقان جۇمىستاردى جانە حالىققا ۇزدىكسىز مەديسينالىق كومەك كورسەتۋ قاجەتتىلىگىن ەسكەرە وتىرىپ، ءبىز اۆانستاۋدى جىلدىق بيۋدجەتتىڭ 30-دان 70%-عا دەيىن ارتتىرۋ جونىندە بۇرىن-سوڭدى بولماعان شەشىم قابىلدادىق. ءقازىر اقپان مەن ناۋرىزداعى قىزمەتتەرگە اقى تولەۋ پروسەسى ءجۇرىپ جاتىر»، - دەپ اتاپ ءوتتى ءابىلقايىر سقاقوۆ.
سونداي-اق، قور باسشىسى مەديسينالىق كومەك جەتكىزۋشىلەرىنە قوردا اعىمداعى جىلدىڭ ناۋرىز ايىنان باستاپ اۋقىمدى دەرەكتەردى جەدەل تالداۋ جانە باسقارۋشىلىق شەشىمدەردى ءتيىمدى قابىلداۋ ءۇشىن قۇرىلعان سيتۋاسيالىق-تالدامالىق ورتالىعىنىڭ جۇمىسىن كورسەتتى. وعان 18 دەرەكقوردىڭ 500-گە جۋىق كورسەتكىشى 1000-نان استام داشبوردتا – جەتكىزۋشىلەر مەن جاسالعان شارتتار، كورسەتىلگەن قىزمەتتەر كولەمى، مونيتورينگ قورىتىندىلارى مەن شاعىمدار سانى، تىركەلگەن حالىق جانە ءمامس جۇيەسىمەن قامتۋ دەڭگەيى تۋرالى جانە ت.ب. كىردى. سيتۋاسيالىق-تالدامالىق ورتالىعىنىڭ جۇمىسى قارجىلاندىرۋ كەزەڭدەرى پروسەستەرىنىڭ اشىقتىعىن قامتاماسىز ەتۋگە، سونداي-اق ءتيىمدى باسقارۋ شەشىمدەرىن قابىلداۋعا مۇمكىندىك بەرەدى.
سونىمەن قاتار كەزدەسۋگە قاتىسۋشىلار كونسۋلتاتيۆتىك-دياگنوستيكالىق قىزمەتتەردى الۋ كەزىندە پاسيەنتتىڭ باعىتىن تالقىلادى. تالداۋ كورسەتكەندەي ولاردىڭ كوپشىلىگى بىرلەسىپ ورىندايدى، ال مەديسينالىق ۇيىم ءوزىنىڭ تىركەلگەن حالقىن جەرگىلىكتى مەديسينالىق قىزمەتتەرمەن قامتاماسىز ەتۋگە تىرىسۋى كەرەك.
كەزدەسۋلەر بارىسىندا ءابىلقايىر سقاقوۆ دەنساۋلىق ساقتاۋ جۇيەسىنىڭ بارلىق قاتىسۋشىلارى اراسىنداعى سىندارلى جانە تىعىز ديالوگتىڭ ماڭىزدىلىعىن اتاپ ءوتتى.
«ءبىز باعىتىمىزدى وزگەرتەمىز. ايىپتاۋدان اۋلاق بولىپ، دەنساۋلىق ساقتاۋ جۇيەسىندەگى پروسەستەردى جەتىلدىرۋگە مۇددەلى سەرىكتەستەر رەتىندە ىنتىماقتاستىقتى ۇسىنامىز»، - دەدى ول.
شارا بارىسىندا قور باسشىسى №5 قالالىق كلينيكالىق اۋرۋحاناعا باس سۇعىپ، مەديسينالىق ۇيىمدار ىشىندەگى مەنەدجمەنت ماسەلەلەرىنە، پاسيەنتتەردى قولداۋ قىزمەتتەرىنىڭ جۇمىسىنا جانە جالپى پاسيەنتتەرمەن كەرى بايلانىسقا ەرەكشە نازار اۋداردى. سونىمەن قاتار، ءابىلقايىر سقاقوۆ قوردىڭ ورتالىق اپپاراتىنىڭ قىزمەتكەرلەرىنە جەرگىلىكتى جەرلەردەگى جاعدايمەن تانىسۋ ءۇشىن «دوستار مەد» كوپسالالى مەديسينالىق ورتالىعىنا بارۋدى تاپسىردى.
«ءمامس جۇيەسىنە قاتىساتىن جەكە كلينيكالار پاسيەنتتەر الدىنداعى جاۋاپكەرشىلىكتىڭ جوعارى دەڭگەيىن ءبىلۋى ءتيىس جانە بۇل مەديسينالىق قىزمەتتەردىڭ ساپاسى مەن قولجەتىمدىلىگىن ارتتىرۋ ارقىلى عانا قامتاماسىز ەتىلۋى مۇمكىن. بۇل رەتتە ازاماتتارىمىز مەديسينالىق قىزمەتتەردىڭ ساپاسىنا ەڭ وبەكتيۆتى باعا بەرۋى ءتيىس. ەگەر شاعىمدار بولماسا جانە ءبىزدىڭ وتانداستارىمىز كورسەتىلگەن قىزمەتتەرگە قاناعاتتانسا، قور تاراپىنان مەديسينالىق ۇيىمدارعا دا ماسەلە بولمايتىنىن ءتۇسىنۋ قاجەت»، - دەدى سقاقوۆ.
بۇگىندە الماتىدا قورمەن 215 مەديسينالىق ۇيىم جۇمىس ىستەيدى، ونىڭ 124ء-ى جەكە مەنشىك.
قور ءتوراعاسى جاقىن ارادا قازاقستاننىڭ باسقا وڭىرلەرىنە ات باسىن بۇرادى.