«ادىلدىك جانە وركەندەۋ» قوعامدىق قورى مەن «قازاق تاعامتانۋ اكادەمياسى» ج ش س اراسىندا مەكتەپتەگى تاماقتانۋ ساپاسىن جاقسارتۋعا باعىتتالعان مەموراندۋمعا قول قويىلدى. قۇجاتقا قوردىڭ الماتى فيليالىنىڭ باسشىسى ميراس بايسەيتوۆ پەن اكادەميا پرەزيدەنتى الماز شارمان قول قويدى، دەپ حابارلايدى aqshamnews.kz
مەموراندۋم اياسىندا مىناداي باعىتتاردا بىرلەسكەن جۇمىستار جوسپارلانۋدا:
مەكتەپتەردەگى تاماقتانۋ ساپاسىن باعالاۋ ءۇشىن مونيتورينگتىك ساپارلار ۇيىمداستىرۋ؛
ساراپشىلاردى تارتا وتىرىپ، تالداۋ جۇرگىزۋ جانە ۇسىنىستار ازىرلەۋ؛
مونيتورينگ ناتيجەلەرى مەن ۇسىنىستاردى قامتيتىن قورىتىندى ەسەپ دايىنداۋ؛
تاماقتانۋ ساپاسىن ارتتىرۋ بويىنشا سەمينارلار مەن ءىس-شارالار وتكىزۋ؛
مەكتەپتەرگە ارنالعان تاماقتانۋ ستاندارتتارىن ازىرلەۋ.
قول قويۋ راسىمىنەن كەيىن تاراپتار جوبا بويىنشا ىنتىماقتاستىقتىڭ باسىم باعىتتارىن تالقىلاپ، ساپالى ءارى ءقاۋىپسىز تاماقتانۋدى قامتاماسىز ەتۋ ارقىلى وقۋشىلاردىڭ دەنساۋلىعىن جاقسارتۋ ماسەلەلەرىن تالقىلادى.
بۇل باستاما مەكتەپ وقۋشىلارىنىڭ دەنساۋلىعى مەن ءال-اۋقاتىن نىعايتۋعا ۇلەس قوسادى.