قازاقستان رەسپۋبليكاسىنىڭ قارجى مينيسترلىگى مەملەكەتتىك كىرىستەر كوميتەتى حابارلايدى، قازىرگى ۋاقىتتا قازاقستان-وزبەكستان مەملەكەتتىك شەكاراسىنداعى «تاجەن» وتكىزۋ پۋنكتىندە 400-دەن استام جۇك كولىگى جينالىپ، قازاقستان رەسپۋبليكاسىنان شىعۋعا كەزەكتە تۇر، دەپ حابارلايدى aqshamnews.kz.
كولىك اعىنىنىڭ ارتۋىنا وزبەكستان رەسپۋبليكاسىندا «داۋت-اتا – قونىرات» (400 كم) اۆتوجولىنىڭ اشىلۋى سەبەپ بولدى، وسىعان بايلانىستى جۇك اۆتوكولىك قۇرالدارىنىڭ اعىنى بايقالادى.
وتكىزۋ پۋنكتىنىڭ جوبالىق وتكىزۋ قابىلەتى تاۋلىگىنە ءبىر باعىتتا 150 جۇك كولىگىن قۇراسا دا، قازىرگى جوندەۋ جۇمىستارى كەزىندە «تاجەن» وتكىزۋ پۋنكتى تاۋلىگىنە 200-250 جۇك كولىگىن شىعارۋىن قامتاماسىز ەتەدى.
وسىعان بايلانىستى تاسىمالداۋشىلارعا مارشرۋتتاردى مۇمكىن بولاتىن كىدىرىستەردى ەسكەرە وتىرىپ جوسپارلاۋدى، نەمەسە تاۋارلاردى تاسىمالداۋدىڭ بالامالى جولدارىن تاڭداۋدى ۇسىنامىز، وسىلايشا قالىپتاسقان جاعدايدى ەسكەرە وتىرىپ، شەكارادا ۇزاق كۇتۋ ۋاقىتىنان اۋلاق بولۋعا كەڭەس بەرەمىز.