قاتارلاستارىنان قىسىم كورگەن
پەتروپاۆلدا وقۋشى مەكتەپكە بالتا الىپ كەلىپ، ءۇش بالانى جارالاعان. سولتۇستىك قازاقستان وبلىستىق پروكۋراتۋراسى وسى وقيعانىڭ ءمان-جايىن ايتتى. بۇل تۋرالى Almaty-akshamy.kz AstanaTV-عا سىلتەمە جاساپ حابارلايدى.
اقپاندا ءجاسوسپىرىم پسيحياتريالىق باقىلاۋدا تۇرعان. ەندى بالانىڭ بۇعان دەيىن دە ءوزىن-وزى ولتىرۋگە وقتالعانى بەلگىلى بولدى.
«بالا سۋيسيد جاساۋعا وقتالعان سوڭ، ءۇش اي ساباقتان قالعان. ءبىراق مۇعالىمدەر بالانىڭ اركەتىنە ءمان بەرمەگەن»، – دەيدى پروكۋرور.
«بۇل بالا 2021 جىلى وز-وزىنە قول جۇمساماق بولعان. الايدا مەكتەپ بۇل تۋرالى دەنساۋلىق ساقتاۋ ورگاندارىنا حابارلاماعان. مەكتەپ اكىمشىلىگى سۋيسيد ارەكەتىنىڭ ءمان-جايىن تۇسىندىرمەدى»، – دەدى سولتۇستىك قازاقستان وبلىسى پروكۋرورىنىڭ ورىنباسارى ءابۋ ءالي ساتتار.
پروكۋراتۋرادا وتكەن جيىندا مۇعالىمدەر بالا سىنىپتاستارىنا شابۋىل جاساماس بۇرىن قاتارلاستارىنان قىسىم كورگەنىن ايتتى.
ايتا كەتەيىك،13 اقپاندا پەتروپاۆلدا 9-سىنىپ وقۋشىسى مەكتەپكە ءۇش وقۋشىنى بالتامەن جاراقاتتادى.