ۇشۋ-قونۋ جولاعىندا جۇرگىزىلىپ جاتقان جوندەۋ جۇمىستارى سەبەپ بولعان
6 cاۋىردە 15:30-داعى اقتاۋ - شىمكەنت رەيسى الماتىعا قونۋعا ءماجبۇر بولدى، دەپ حابارلايدى Almaty-akshamy.kz Zakon.kz-كە سىلتەمە جاساپ.
اۋە كومپانياسىنىڭ باسپا ءسوز قىزمەتىنىڭ حابارلاۋىنشا، بۇعان شىمكەنت اۋەجايىنداعى ۇشۋ-قونۋ جولاعىندا جۇرگىزىلىپ جاتقان جوندەۋ جۇمىستارى سەبەپ بولعان.
"بۇل جاعدايدا رەيستىڭ كەشىگۋ سەبەبى اۋە كومپانياسىنىڭ كەسىرىنەن بولمادى. اۋە كومپانياسىنىڭ كىناسىنىڭ جوقتىعىنا قاراماستان، ءبىز وسى رەيستىڭ جولاۋشىلارىنا سۋسىندار مەن ىستىق تاعامدار ۇسىندىق"، - دەلىنگەن FlyArystan تاراتقان مالىمەتتە.
كەيىنىرەك FlyArystan شىمكەنت اۋەجايى رەيستەردى قابىلداي باستاعانىن حابارلادى. الماتىدا قونۋعا ءماجبۇر بولعان كس7578 اقتاۋ - شىمكەنت رەيسىنىڭ الماتىدان ۇشىپ شىعۋى ءۇشىن اۋە كومپانياسى اۋە كەمەسىندە ءتيىستى جۇمىس جۇرگىزۋى قاجەت بولعان. الايدا بۇل راسىمدەر ۇشاق بورتتان شىعۋدان باس تارتقان جولاۋشىلاردىڭ كەسىرىنەن كەشىككەن.
"الماتىدا قونۋعا ءماجبۇر بولعان كس7578 اقتاۋ - شىمكەنت رەيسى قازىرگى ۋاقىتتا ۇشۋعا دايىندالىپ جاتقانىن جانە دەسترۋكتيۆ جولاۋشىلارمەن بولعان جاعدايدىڭ شەشىلگەنىن حابارلايمىز"، - دەلىنگەن حابارلامادا.
كەيىن رەيس الماتى ۋاقىتى بويىنشا 6 ساۋىردە ساعات 23:02-دە شىمكەنتكە ۇشىپ شىققان.