30 جانە ودان دا كوپ جىل جۇمىس ءوتىلى بار مۇعالىمدەر «ەڭبەك ارداگەرى» مەدالىمەن ماراپاتتالادى
مەملەكەت باسشىسىنىڭ تاپسىرماسى جانە پرەزيدەنتتىك جاستار كادرلىق رەزەرۆىنىڭ ۇلگىسى بويىنشا ءبىلىم بەرۋدەگى وزگەرىستەردىڭ 1000 كوشباسشىسىنىڭ جوباسى ازىرلەنۋدە. جوبانىڭ ماقساتى – كاسىبي كوشباسشىلاردى ىرىكتەۋ جانە دايىنداۋ، دەپ حابارلايدى Azattyq Ruhy.
وقۋ-اعارتۋ ءمينيسترى عاني بەيسەمبايەۆ رەسپۋبليكالىق تامىز كەڭەسىنىڭ پلەنارلىق وتىرىسىندا اتالعان جوبا پيلوتتىق رەجيمدە ىسكە قوسىلدى دەپ مالىمدەدى.
سونداي-اق مينيستر تاجىريبەلى مەكتەپ ديرەكتورلارىنىڭ بيىلدان باستاپ «بولاشاق» باعدارلاماسىمەن شەتەلدە تاجىريبە الماسا الاتىنىن ايتتى.
«مينيسترلىك ءبىلىم بەرۋ ۇيىمدارىندا جۇمىس ىستەيتىن، مىقتى جانە تاجىريبەلى باسشىلاردى «بولاشاق» باعدارلاماسى بويىنشا 3-6 ايلىق شەتەلدىك تاعىلىمداماعا جىبەرۋ جونىندە شارالار قابىلداۋدا»، - دەدى ع. بەيسەمبايەۆ.
سونىمەن قاتار ءبىلىم سالاسىندا 30 جانە ودان دا كوپ جىل جۇمىس ءوتىلى بار مۇعالىمدەر «ەڭبەك ارداگەرى» مەدالىمەن ماراپاتتالادى.
«مينيسترلىككە مۇعالىمدەردىڭ كوپ جىلدار بويى جۇمىس ىستەسە دە ءوز ەڭبەگى ءۇشىن ماراپاتقا يە بولماعانى تۋرالى وتىنىشتەر ءجيى تۇسەدى. ءبىزدىڭ ءارقايسىمىز ءۇشىن ءمۇعالىم – بۇل ءبىزدىڭ ءومىر جولىمىزدى انىقتايتىن، جەكە تۇلعانى قالىپتاستىرۋدىڭ نەگىزىن قالايتىن ادام. ءمۇعالىم بۇكىل ۇرپاقتى وقىتادى جانە تاربيەلەيدى. نيكولاي الەكسەيەۆيچ نەكراسوۆتىڭ «ءمۇعالىم، ءسىزدىڭ اتىڭىزدىڭ الدىندا كىشىپەيىلدىلىكپەن تىزە بۇگۋگە رۇقسات ەتىڭىز...» دەگەن ءسوزىن ءبارىڭىز بىلەسىزدەر. سوندىقتان ءبىز ءمۇعالىمنىڭ باس ارىپپەن جازىلعان ءمۇعالىم رەتىندەگى بۇرىنعى ءيميدجىن جانداندىرۋعا مىندەتتىمىز»، - دەدى مينيستر.