قۇجاتتى سەنات دەپۋتاتى امانگەلدى نۇعمانوۆ ۇسىندى. ول كەلىسىمنىڭ ماقساتى تۇركى مەملەكەتتەرى ۇيىمىنا مۇشە مەملەكەتتەر اراسىنداعى ترانزيتتىك-كولىكتىك الەۋەتتى جانە ساۋدا-ەكونوميكالىق قاتىناستاردى ودان ءارى دامىتۋ بولىپ تابىلاتىنىن حابارلادى.
"كەلىسىم تەمىر جول، سۋ جانە اۆتوموبيل كولىگىنىڭ زاماناۋي جۇيەلەرىن دامىتۋعا، پويىزداردىڭ كەدەندىك راسىمدەردەن ءوتۋىن جەدەلدەتۋ ءۇشىن الدىن الا اقپارات الماسۋدى قامتاماسىز ەتۋگە، سونداي – اق جۇكتەرگە قاتىستى سيفرلىق تەحنولوگيالاردى ەنگىزۋگە ىقپال ەتەدى"، - دەپ اتاپ ءوتتى سەناتور.
زاڭ حالىقارالىق ارالاس تاسىمالداۋ راسىمدەرىن جەڭىلدەتۋگە، سونداي-اق تۇركى مەملەكەتتەرى ۇيىمىنا مۇشە مەملەكەتتەر اراسىندا اۆتوكولىكپەن، تەمىر جول جانە تەڭىز كولىگىمەن ورىندالاتىن جۇكتەردى تاسىمالداۋ كولەمىن ۇلعايتۋعا مۇمكىندىك بەرەتىنى اتاپ ءوتىلدى.