الماتى سپورت نىساندارىن باسقارۋ جونىندەگى ديرەكسياسىنىڭ مالىمەتىنشە، 2023 جىلى «مەدەۋ» مۇز ايدىنى مەن ونىڭ ينجەنەرلىك جەلىلەرىنىڭ تەحنيكالىق جاعدايىن تەكسەرۋ جانە باعالاۋ جۇمىستارى جۇرگىزىلدى. بۇل زەرتتەۋدىڭ ماقساتى – جاڭعىرتۋ تۇجىرىمداماسى مەن جوبالاۋ-سمەتالىق قۇجاتتامانى ازىرلەۋ. ساراپتاما قورىتىندىسىنا سايكەس، قازىرگى ۋاقىتتا مۇز ايدىنى جاپپاي سىرعاناۋ ءۇشىن قاۋىپسىزدىك تالاپتارىنا ساي كەلەدى.
جاڭعىرتۋ بويىنشا نەگىزگى باعىتتار:
«مەدەۋ» بتسك اۋماعىن كوركەيتۋ جۇمىستارى: مۇز ايدىنىنىڭ باتىس سىزىعى بويىمەن سەرۋەندەۋ اللەياسىن قۇرۋ، ايدىن اينالاسىندا جاياۋ جۇرگىنشىلەرگە ارنالعان باسپالداقتار ورناتۋ، وڭتۇستىك بەتكەيدە، ەسەنتاي وزەنىنىڭ وڭ جاعالاۋى بويىمەن كوركەيتۋ جۇمىستارىن جۇرگىزۋ، ىرگەلەس اۋماقتى جاقسارتۋ مەن مءۇمكىندىگى شەكتەۋلى ازاماتتارعا ىڭعايلى بولۋى ءۇشىن وڭتۇستىك-شىعىس جانە وڭتۇستىك-باتىس ءبولىگىندە ەكى جەدەل ساتى ورناتۋ كوزدەلگەن.
ينجەنەرلىك جۇيەلەردى جاڭعىرتۋ: توڭازىتقىش جابدىقتارى مەن مۇز جابىنىن سۋىتۋ جۇيەسىن جاڭارتۋ، قۇبىر جەلىلەرىن تولىق اۋىستىرا وتىرىپ، تەحنولوگيالىق تاقتانى جاڭارتۋ، جىلىتۋ جۇيەسىن گازعا اۋىستىرۋ، جىلىتۋ جانە كورەرمەندەرگە ارنالعان ورىنداردى جىلىتۋ جۇيەسىن جاڭعىرتۋ، ەنەرگيانى ۇنەمدەۋدى ارتتىرۋ جانە كەلۋشىلەرگە قولايلى جاعداي جاساۋ ءۇشىن ينفراقۇرىلىمدىق ەلەمەنتتەردى جاڭارتۋ، ينجەنەرلىك جۇيەلەر، كوممۋنيكاسيالار مەن ەلەكتر جابدىقتارىن تولىقتاي اۋىستىرۋ جوسپارلانىپ وتىر.
سونىمەن قاتار، «مەدەۋ» قوناق ءۇيىن تولىق رەكونسترۋكسيالاۋ جوسپارعا ەنگەن.
رەكونسترۋكسيالاۋ بارىسىندا «مەدەۋ» مۇز ايدىنىنىڭ تاريحي كەلبەتى مەن مادەني مۇراسىن ساقتاۋ باستى باسىمدىق بولىپ قالا بەرەدى.