الماتىنىڭ مەدەۋ اۋدانىندا قالداياقوۆ كوشەسى، 93/95 مەكەنجايىنداعى اۋلادا اباتتاندىرۋ جۇمىسى اياقتالدى. ەندى بۇل تۇرعىندارعا سەرۋەندەپ، ويناپ جانە وتباسىمەن دەمالۋعا قولايلى زاماناۋي اۋماق. بيىل بۇل باعدارلاما اياسىندا مەدەۋ اۋدانىندا بارلىعى 46 اۋلا جاڭارتىلدى.
جۇمىس "حالىق قاتىساتىن بيۋدجەت" جوباسى اياسىندا جۇزەگە استى. بۇل باستاما قالا تۇرعىندارىنا اۋداندارىنداعى اباتتاندىرۋدىڭ باسىم باعىتتارىن وزدەرى ايقىنداۋعا مۇمكىندىك بەرەدى.
جاڭارعان اۋلادا اۆتوماتتى سۋارۋ جۇيەسى ورناتىلىپ، بەرىك رەزەڭكە جابىن مەن جاڭا كوگال توسەلدى، تاس توسەۋىشتەر اۋىستىرىلدى. ەسكى نىسانداردىڭ ورنىنا بالالارعا ارنالعان كەشەن، اتكەنشەك، ۆوركاۋت جانە كوشە ترەناجەرلارى سىندى زاماناۋي ويىن جانە سپورت الاڭدارى سالىندى. فۋتبول الاڭىنىڭ قورشاۋى جاڭارتىلىپ، جارىق شامدارى مەن تىرەكتەر ورناتىلدى، اعاشتىڭ بۇتاقتارى سانيتارلىق ماقساتتا كەسىلدى. سونىمەن قاتار دەمالۋعا ارنالعان كۇركە مەن اتكەنشەكتەر دە جوندەلىپ، جاڭاردى.
تۇرعىنداردىڭ ايتۋىنشا، اۋلا اۋدان تۇرعىندارىنىڭ سۇيىكتى ورنىنا اينالعان.
"ءبىزدىڭ اۋلا تانىماستاي وزگەردى. بارلىعى زاماناۋي ءارى ادەمى. بالالار تاڭنان كەشكە دەيىن الاڭدا وينايدى، ەرەسەكتەر دەمالۋعا ارنالعان كۇركە ماڭىندا جينالادى، كەشكە جارىق ءارى جايلى سەرۋەندەۋگە بولادى"، – دەيدى قالا تۇرعىنى اندجەلا چەكماريەۆا.
مەدەۋ اۋدانىنىڭ اكىمدىگى اۋلالاردى كورىكتەندىرۋ جۇمىستارى جالعاساتىنىن ايتادى.