ناقتىلانعان اقپارات بويىنشا ءورت الاڭى 380 شارشى مەتردى قۇرادى.
ساعات 19.51-دە ءورت ءسوندىرىلدى. قابىلدانعان شارالارمەن ءورتتىڭ ەكى قاباتتى اعاش سارايعا جانە كورشى عيماراتتارعا تارالۋىنا جول بەرىلمەدى، دەپ حابارلايدى Almaty-akshamy.kz ق ر تجم سايتىنا سىلتەمە جاساپ.
قازا تاپقاندار مەن زارداپ شەككەندەر جوق. ءورتتىڭ سەبەبى انىقتالۋدا.
ءورتتى ءسوندىرۋ جۇمىستارىن بيىكتىكتىڭ ۇلكەن ايىرماشىلىعى، وتقا توزىمدىلىكتىڭ تومەن دارەجەسى-اعاشتان سالىنعان عيماراتتار، جاقىن ماڭدا سۋ كوزدەرىنىڭ بولماۋى قيىنداتتى. جاقىن ماڭداعى ءورت ءسوندىرۋ گيدرانتى 1،5 كم قاشىقتىقتا ورنالاسقان.
ەسكە سالايىق، 14 اقپان كۇنى ساعات 18:00-دە الماتى ق. تجد كۇشتەرى مەن قۇرالدارى مەدەۋ اۋدانى، وسپانوۆ كوشەسى، 85/77 مەكەنجايىندا ورنالاسقان مونشا كەشەنىندە ءورت شىققانى تۋرالى حابارلاما بويىنشا جوعارى دارەجەدە جىبەرىلدى.
"قاربالاس ۋاقىتتا"، تاۋلى ايماققا اپاراتىن جولداعى جول كەپتەلىسى ءورت ءسوندىرۋ تەحنيكاسىنا كەدەرگى تۋدىردى.
بارلاۋ بارىسىندا، ءورت سوندىرۋشىلەر ەكى اعاش قۇرىلىسى، ءىشىنارا 3ء-شىسى دە اشىق جالىنمەن جانىپ جاتقانى انىقتالدى، وتتىڭ كورشى اعاش كوتتەدجدەرگە تارالۋ ءقاۋپى تۋىندادى. نىسان اكىمشىلىگىنىڭ ايتۋىنشا، كەلۋشىلەر بولعان جوق.
دەرەۋ جەدەل شتاب ورنالاستىرىلىپ، ءورت وقپاندارى ەنگىزىلدى، ارالاس تاسىلمەن سۋدىڭ ۇزدىكسىز بەرىلۋى قامتاماسىز ەتىلدى. پوليسيا دەپارتامەنتىنىڭ قىزمەتكەرلەرى ءورت بولعان جەردى قورشاۋدى ۇيىمداستىردى.
كەز-كەلگەن مينۋتتا مونشا كەشەنىنىڭ جانىندا تۇرعان اعاش قۇرىلىستارى جانۋى مۇمكىن ەدى.
ءورتتى سوندىرۋگە جەكە قۇرامنان 77 ادام، 19 بىرلىك تەحنيكا، سونداي-اق قالانىڭ ءوزارا ءىس-قيمىل قىزمەتى جۇمىلدىرىلدى.
ءورت قاۋىپسىزدىگى قاعيدالارىن ساقتاۋعا شاقىرامىز.