جەزقازعاندا تاڭعى ۋاقىتتا قىزىق وقيعا بولدى. ماس كۇيدەگى جەرگىلىكتى تۇرعىن وبلىستىق پروكۋراتۋرا عيماراتىن دوسىنىڭ ءۇيى دەپ شاتاستىرىپ، قاقپاسىن سىندىرىپ تاستاعان، دەپ حابارلايدى Aqshamnews.kz ءتىلشىسى.
سوتتىڭ مالىمەتىنشە، وقيعا 30 تامىزدا تاڭعى 05:23 شاماسىندا بولعان. ازامات ت. ماس كۇيدە بولىپ، ۇلىتاۋ وبلىستىق پروكۋراتۋراسىنىڭ قاقپاسىن دوسىنىڭ ءۇيى دەپ ويلاپ، اشۋعا تىرىسقان. اشىلماعان سوڭ قاقپانى سىندىرىپ، ناتيجەسىندە 260 مىڭ تەڭگە كولەمىندە شىعىن كەلتىرگەن.
سوتتا ەر ادام ءوز كىناسىن مويىنداپ، وكىنىش ءبىلدىرىپ، كەلتىرىلگەن شىعىندى تولىق وتەيتىنىن ايتقان. ناتيجەسىندە سوت ونى بوگدەنىڭ مۇلكىن ادەيى ءبۇلدىردى دەپ تانىپ، 5 تاۋلىككە اكىمشىلىك قاماۋعا الۋ تۋرالى شەشىم شىعاردى.