قازاقستاننىڭ وقۋ-اعارتۋ مينيسترلىگىنە قاراستى بالالاردىڭ قۇقىقتارىن قورعاۋ كوميتەتى مەكتەپ وقۋشىلارىنا باعىتتالعان جاڭا الاياقتىق ارەكەتتەر تۋرالى ەسكەرتتى، دەپ حابارلايدى اqshamnews.kz ءتىلشىسى.
كوميتەتتىڭ مالىمەتىنشە، جاڭا وقۋ جىلى باستالعالى بەرى بەلگىسىز ادامدار بالالارعا قوڭىراۋ شالىپ، وزدەرىن ءمۇعالىم رەتىندە تانىستىرىپ، ءتۇرلى سىلتاۋمەن SMS ارقىلى كەلگەن قۇپيا كودتاردى سۇراعان.
"ولار "ەلەكترون كۇندەلىكتى قايتا شىعارۋ قاجەت" دەگەن جەلەۋمەن SMS كودتارىن الداپ سۇراپ الادى. بالالار بۇل ارەكەتتى اتا-اناسىنا نەمەسە مەكتەپكە كومەكتەسۋ دەپ ويلاپ، شىن مانىندە الاياقتارعا مەملەكەتتىك قىزمەتتەرگە، ونلاين-بانكينگكە نەمەسە تۋىستارىنىڭ بانك شوتتارىنا كىرۋگە مۇمكىندىك بەرىپ وتىر"، - دەلىنگەن كوميتەت تاراتقان حابارلامادا.
مينيسترلىك SMS ارقىلى كەلەتىن كودتار - تەك جەكە اقپارات ەكەنىن ەسكەرتىپ، ولاردى ەشكىمگە، ءتىپتى ءمۇعالىممىن دەگەن ادامعا دا ايتۋعا بولمايتىنىن قاتاڭ ەسكەرتەدى.
بالالارعا مىنا دۇنيەلەردى ەسكەرتۋ كەرەك:
-
ەشقانداي جاعدايدا SMS-كودتاردى ەشكىمگە بەرمەۋ؛
-
كۇمان تۋسا، بىردەن اتا-اناسىنا حابارلاسىپ ناقتىلاۋ؛
-
كۇماندى سىلتەمەلەرگە وتپەۋ جانە بەيتانىس قوسىمشالاردى جۇكتەمەۋ.
اتا-انالارعا كەڭەس:
-
مۇعالىمدەر مەن مەكتەپ قىزمەتكەرلەرى ەشقاشان SMS-كودتار نەمەسە بانك كارتاسىنىڭ دەرەكتەرىن سۇرامايتىنىن بالاعا ءتۇسىندىرۋ؛
-
تەلەفونعا اتا-انالىق باقىلاۋ ورناتىپ، بەيتانىس نومىرلەردەن كەلگەن قوڭىراۋلاردى قاداعالاۋ؛
-
بالاڭىزبەن سەنىمدى قارىم-قاتىناس ورناتىپ، ول مۇنداي جاعدايلاردان قورىقپاي حابارلاي الاتىنداي ەتۋ.
كۇماندى ارەكەتتەر بايقالسا، پوليسياعا نەمەسە 111 بايلانىس ورتالىعىنا حابارلاسۋ قاجەت.