سوت شەشىم شىعاردى.
جاۋاپكەردەن ءىس بويىنشا جۇمسالعان شىعىن رەتىندە 6 877 672 تەڭگە مولشەرىندە، سونىمەن بىرگە 10 ميلليون تەڭگە سوماسىندا مورالدىق زياندى وتەۋ جونىندە شەشىم شىقتى، دەپ حابارلايدى aqshamnews.kz
ەكس-مينيستر قۋاندىق بيشىمبايەۆتان سالتانات نۇكەنوۆانى ولتىرگەنى ءۇشىن اعاسى ايتبەك امانگەلدى مورالدىق جانە ماتەريالدىق شىعىندى ءوندىرۋدى تالاپ ەتىپ ارىز تۇسىرگەن ەدى.
«پاراساتتىلىق پەن ادىلدىك قاعيداتتارىنا سۇيەنە وتىرىپ، جاقىن تۋىسىنىڭ قايتىس بولۋى تالاپكەردىڭ مورالدىق جاعدايىنا كەرى اسەرىن تيگىزگەنىن، ونىڭ جەكە مۇلىكتىك ەمەس قۇقىقتارىن بۇزعانىن ەسكەرە وتىرىپ، سوت تالاپتى ءىشىنارا قاناعاتتاندىردى»، - دەپ حابارلادى استانا سوتىنىڭ باسپا ءسوز قىزمەتى.