اۋىل شارۋاشىلىعى ءمينيسترى ايداربەك ساپاروۆ قاراعاندى وبلىسىندا ەگىن جيناۋ جۇمىستارىنىڭ بارىسىمەن تانىستى.
سونىمەن قاتار، «نۋر-سح» ج ش س الاڭىندا ءوڭىردىڭ اۋىل شارۋاشىلىعى وندىرۋشىلەرىمەن كەزدەسۋ ءوتتى، دەپ حابارلايدى aqshamnews.kz اۋىل شارۋاشىلىعى مينيسترلىگىنە سىلتەمە جاساپ.
مينيستر اگروونەركاسىپتىك كەشەندى ودان ءارى قولداۋ جانە دامىتۋ بويىنشا قابىلدانىپ جاتقان شارالار تۋرالى حابار بەردى.
«اعىمداعى جىلى پرەزيدەنتتىڭ تاپسىرماسى بويىنشا ۇكىمەت كوكتەمگى ەگىس جانە ەگىن جيناۋ جۇمىستارىن جۇرگىزۋ ءۇشىن بارلىق قاجەتتى جاعدايلاردى جاسادى.
سالانى جەڭىلدەتىلگەن قارجىلاندىرۋ كولەمى 3 ەسەدەن استام ۇلعايتىلىپ، 580 ملرد تەڭگەنى قۇرادى. العاش رەت كوكتەمگى ەگىن جۇمىستارىن نەسيەلەۋ، ەگىن جيناۋ ناۋقانى جانە اۋىل شارۋاشىلىعى تەحنيكاسىنىڭ ليزينگى كەزىندە سىياقى مولشەرلەمەسىن ارزانداتۋ تەتىگى قولدانىلدى. اۋىل شارۋاشىلىعى قۇرىلىمدارى بارلىق قاجەتتى اگروتەحنولوگيالاردى قولدانا الدى، ساپالى تۇقىمدار مەن تىڭايتقىشتار ساتىپ الىندى. تيىمدىلىك ايقىن-ونىمدىلىك وتكەن جىلمەن سالىستىرعاندا 5 س/گا-عا ۇلعايدى. كەلەسى جىلى جەڭىلدىكتى كرەديتتەۋ كولەمىن 700 ملرد تەڭگەگە دەيىن جەتكىزۋ جوسپارلانۋدا. العاشقى اقشا فەرمەرلەرگە جەلتوقسان ايىندا جەتەدى جانە ولار ەگىن ەگۋگە دايىندىقتى باستاي الادى»، - دەدى ايداربەك ساپاروۆ، 2025 جىلى وسىنداي تەتىك وڭدەۋ كاسىپورىندارىن قارجىلاندىرۋ كەزىندە ىسكە قوسىلاتىنىن حابارلادى. فەرمەرلەردى سۋبسيديالاۋ ەرەجەلەرىن وزگەرتۋگە، مەملەكەتتىك باعدارلامالار شەڭبەرىندەگى جوبالاردى قارجىلاندىرۋعا، ينفراقۇرىلىمدى جۇرگىزۋگە قاتىستى ماسەلەلەر قىزىقتىردى. ءار سۇراققا فەرمەرلەر تولىق جاۋاپ الدى.
ايتا كەتەيىك، قاراعاندى وبلىسى بويىنشا جالپى ەگىس القابى 1،2 ملن گەكتاردى قۇرادى، بۇگىندە 700،2 مىڭ گەكتار ەگىن جينالدى، 12 س/گا ونىمدىلىكتە 840،2 مىڭ توننا باستىرىلدى.
2،4 ملن توننا ءشوپ، 23،1 مىڭ توننا پىشەن، 15،1 مىڭ توننا سۇرلەم، 150 مىڭ توننا سابان، 237،5 مىڭ توننا جەم دايىندالدى. جۇمىس ساپارى بارىسىندا مينيستر «بايمىرزا اگرو 2018» ج ش س كارتوپ القاپتارىن ارالاپ كوردى. فەرمادا Zimmatic اينالمالى جاڭبىرلاتقىشتاردىڭ سۋارۋ جۇيەسى قولدانىلادى. الداعى جىلدارى سۋارمالى ەگىستىك القابىن 854 گەكتارعا دەيىن ۇلعايتۋ جوسپارلانۋدا
ايداربەك ساپاروۆ «شاحتەرسكوە» ج ش س ەگىن جيناۋ جۇمىستارىنىڭ بارىسىمەن تانىستى. وڭىردەگى ءىرى شارۋاشىلىقتاردىڭ ءبىرىنىڭ باسشىسى گەورگيي پروكوپ اعىمداعى كوكتەمدە وتاندىق تۇقىممەن 33 مىڭ گەكتاردان استام ەگىلگەنىن، ءقازىردىڭ وزىندە 19 مىڭ گەكتار جينالدى، ورتاشا ونىمدىلىگى 18،5 س/گا 35 مىڭ توننادان استام استىق باستىرىلعانىن حابارلادى.
ەكونوميكالىق جوعارى ءونىم الۋعا مۇمكىندىك بەرەتىن پەستيسيدتەردى، تۇقىمداردى، مينەرالدى تىڭايتقىشتاردى ساتىپ الۋعا مەملەكەتتىك قولداۋ شارالارىن بەلسەندى قولدانادى. وسى رەتتە، كارتوپتىڭ ونىمدىلىگى 501 س/گا قۇرادى.
سقو تاجىريبەسىن تيراجداۋ باعدارلاماسى اياسىندا وڭىردە 12 جوبا ىسكە اسىرىلۋدا. ولاردىڭ ىشىندە قۋاتتىلىعى جىلىنا 10 مىڭ توننا ءسۇتتى قۇرايتىن 1100 باسقا ارنالعان ءسۇت-تاۋار فەرماسى بار. «مف رامادان» ج ش س جوباسىنىڭ قۇنى 4،2 ملرد تەڭگە.
مينيستر جوبانىڭ ىسكە اسىرىلۋ بارىسىمەن تانىستى.