يندونەزيادا ماراپي جانارتاۋى ويانىپ، اينالاسىنا وت پەن كۇل شاشىپ جاتىر.
جانارتاۋ وزەگىنەن شىعىپ جاتقان ءتۇتىن 1،5 شاقىرىم بيىكتىككە كوتەرىلگەن. جەرگىلىكتى گەولوگيا اگەنتتىگىنىڭ حابارلاۋىنشا، ۆۋلكانعا جاقىن ورنالاسقان ۇيلەر مەن اۆتوكولىكتەردى تولىعىمەن كۇل باسقان.
كوپ ۇزاماي ايماقتا لاي كوشكىنى مەن لاۆا اعىنى جۇرەدى دەگەن ءقاۋىپ بار. وسىعان بايلانىستى جەرگىلىكتى بيلىك تۇرعىنداردى ءقاۋىپسىز جەرگە كوشۋگە شاقىرىپ جاتىر.
ازىرگە تابيعي اپاتتان قازا تاپقاندار جايلى اقپارات جوق. ونداعان ادامنىڭ اۋرۋحاناعا تۇسكەنى بەلگىلى.