قازاقستان رەسپۋبليكاسىنىڭ ەكولوگيا جانە تابيعي رەسۋرستار ءمينيسترى ەرلان نىسانبايەۆ قازاقستاننىڭ ۇلتتىق گيدرومەتەورولوگيالىق قىزمەتىنە كەلدى6 دەپ حابارلايدى almaty-akshamy.kz
ساپار بارىسىندا مينيستر ەكولوگيالىق جانە تەكسەرۋ زەرتحانالارىنا، گيدرومەتورتالىققا بارىپ، قىزمەتكەرلەردىڭ ەڭبەك جاعدايلارىمەن تانىستى، قازگيدرومەت ماماندارىمەن سالانىڭ پروبلەمالىق ماسەلەلەرىن، قىزمەتتى ىسكە اسىرۋ جونىندەگى اعىمداعى جوسپارلاردى، كاسىپورىندى جاڭعىرتۋ جانە جاراقتاندىرۋ ماسەلەلەرىن شەشۋ جولدارىن تالقىلادى، سونداي-اق 2023 جىلعى جۇمىس قورىتىندىلارى تۋرالى باياندامانى تىڭدادى.
مينيستر ءوز سوزىندە گيدرومەتەورولوگيالىق قىزمەتتىڭ ەكولوگيالىق جانە كليماتتىق مونيتورينگ جۇمىسىنا قوسقان ەرەكشە ۇلەسىن، سونداي-اق كليماتتىڭ وزگەرۋىنە جانە قورشاعان ورتانى ساقتاۋعا بايلانىستى زەرتتەۋلەر مەن عىلىمي جوبالارعا تۇراقتى قاتىسۋىن اتاپ ءوتتى.
كەزدەسۋ قورىتىندىسى بويىنشا مينيستر مينيسترلىك پەن قازاقستاننىڭ ۇلتتىق گيدرومەتەورولوگيالىق قىزمەتى اراسىنداعى اقپارات الماسۋ جانە بولجامدىق جانە گيدرومەتەورولوگيالىق اقپاراتتى ۋاقتىلى ۇسىنۋ سالاسىنداعى ءوزارا ءىس-قيمىلدى جەتىلدىرۋ جونىندە ءبىرقاتار تاپسىرمالار بەردى.