قازاقستانداعى سۇيىتىلعان مۇناي گازىنىڭ باعاسى وڭىردەگى ەڭ تومەن باعا
ق ر ەنەرگەتيكا ءمينيسترى ماعزۇم مىرزاعالييەۆ سۇيىتىلعان مۇناي گازىن ءوندىرۋدىڭ وزىندىك قۇنى تۋرالى مالىمەت بەردى، دەپ حابارلايدى Almaty-akshamy.kz.
ورتالىق كوممۋنيكاسيالار قىزمەتىندە وتكەن بريفينگىدە ەنەرگەتيكا ءمينيسترى ماڭعىستاۋ وبلىسىنداعى گاز باعاسىنا قاتىستى تۇسىنىكتەمە بەردى.
«جەرگىلىكتى تۇتىنۋشىلاردى قولداۋ ءۇشىن گازدىڭ باعاسى رەتتەلدى جانە تونناسىنا 38 مىڭ تەڭگە دەڭگەيىندە بەلگىلەندى. ياعني ەكسپورت باعاسىنان 5-6 ەسە تومەن. بۇل رەتتە «قازاق گاز وڭدەۋ زاۋىتىندا» وزىندىك قۇنى تونناسىنا شامامەن 100 مىڭ تەڭگەنى قۇرايدى. قازاقستانداعى سۇيىتىلعان مۇناي گازىنىڭ باعاسى وڭىردەگى ەڭ تومەن باعا. سايكەسىنشە، تومەن دەڭگەيدەگى باعا گاز ءوندىرىسىن ۇلعايتۋدى ىنتالاندىرمايدى. 2020 جىلى ىشكى نارىقتىڭ قاجەتتىلىكتەرىن قامتۋ ءۇشىن 1،4 ملن توننا مۇيىتىلعان مۇناي گازى ءوندىرىلدى. 2021جىلى ىشكى نارىقتاعى تۇتىنۋ 1،6 ملن تونناعا دەيىن ءوستى. بۇل رەتتە گاز ءوندىرىسى ءوسىپ جاتقان جوق. ال توزىعى جەتكەن زاۋىتتاردىڭ ءجيى جوندەلۋى جالپى ءوندىرىستىڭ تومەندەۋىنە اكەپ سوعۋدا»، - دەدى مينيستر.