مەملەكەت باسشىسىنىڭ جولداۋىن جانە وزگە دە تاپسىرمالارىن ورىنداۋ شەڭبەرىندە ۇكىمەت مەديسينالىق كومەكتىڭ قولجەتىمدىلىگىن ارتتىرۋ ءۇشىن مىندەتتى الەۋمەتتىك مەديسينالىق ساقتاندىرۋ جۇيەسىن دامىتۋ جانە نىعايتۋ بويىنشا جۇيەلى جۇمىس جۇرگىزىپ جاتىر.
«مىندەتتى الەۋمەتتىك مەديسينالىق ساقتاندىرۋ تۋرالى» زاڭدا دەنساۋلىق ساقتاۋ جۇيەسىنىڭ قارجىلىق تۇراقتىلىعىن نىعايتۋعا باعىتتالعان ءبىرقاتار شارانى جۇزەگە اسىرۋ كوزدەلگەن.
الەۋمەتتىك وسال توپتاردى مامس-پەن قامتۋدى كەڭەيتۋ: حالىقتى بارىنشا جۇيەگە تارتۋ ماقساتىندا الەۋمەتتىك وسال توپتاعى ازاماتتار ءۇشىن جارنالاردى جەرگىلىكتى اتقارۋشى ورگانداردىڭ تولەۋ تەتىگى ەنگىزىلەدى. بۇل نورمانى ىسكە اسىرۋ 2026 جىلعا قاراي قوسىمشا 1 ملن-نان استام ادامدى ءمامس جۇيەسىمەن قامتۋعا مۇمكىندىك بەرەدى.
ءادىل جارنا جۇيەسىن ەنگىزۋ: الەۋمەتتىك ادىلەتتىلىك قاعيداتىن ساقتاۋ ءۇشىن الەۋمەتتىك مەديسينالىق ساقتاندىرۋ قورىنا اۋدارىم جاسالاتىن كىرىستىڭ جوعارعى شەگى الىنىپ تاستالادى. بۇل ءتاسىل ازاماتتاردىڭ جۇيەگە ۇلەسىن ولاردىڭ تابىسىنا ساي ەتىپ، سالا بيۋدجەتىنە جىل سايىن قوسىمشا 200 ملرد تەڭگەگە دەيىن قارجى اكەلەدى.
مەملەكەتتىك قارجىلاندىرۋدى ارتتىرۋ: جەڭىلدىكتى ساناتتاعى 11 ملن ازامات ءۇشىن مەملەكەت جارناسىنىڭ مولشەرلەمەسىن كەزەڭ-كەزەڭىمەن ارتتىرۋ كوزدەلگەن. بۇل شارا 2030 جىلعا قاراي قارجىلاندىرۋ كولەمىن 289 ملرد تەڭگەگە دەيىن ۇلعايتۋعا مۇمكىندىك بەرەدى.
ءبىرىڭعاي مەديسينالىق قىزمەتتەر پاكەتىن قالىپتاستىرۋ: 2027 جىلدان باستاپ مەملەكەت كەپىلدىك بەرەتىن تەگىن مەديسينالىق كومەك كولەمى (تمككك) مەن ءمامس پاكەتى اراسىنداعى ناقتى ايىرماشىلىقتى بەلگىلەيتىن ءبىرىڭعاي پاكەت ەنگىزىلەدى. وسىلايشا ءاربىر ازامات مەملەكەت كەپىلدىك بەرەتىن قىزمەتتەردى جانە ساقتاندىرۋ ەسەبىنەن كورسەتىلەتىن قىزمەتتەردى ناقتى بىلە الادى
ءمامس جۇيەسىمەن قوسىمشا 1 ملن-نان اسا ادام قامتىلادى
- 12:53، 20 تامىز 2025
almaty-akshamy.kz