2025 جىل قازاقستاندا جۇمىسشى ماماندىقتارى جىلى دەپ جاريالاندى، بۇل ەل ەكونوميكاسى ءۇشىن جۇمىسشى كادرلارىن دايارلاۋدىڭ ماڭىزدىلىعىن كورسەتەدى. جۇمىسشى ماماندىقتارى سۇرانىسقا يە بولىپ قانا قويماي، سونىمەن قاتار جاستار ءۇشىن كەڭ مۇمكىندىكتەر اشاتىن بەدەلدى جۇمىس بولىپ تابىلادى. وسى جىلدىڭ اياسىندا استاناداعى EXPO الاڭىندا مەكتەپ وقۋشىلارى، ستۋدەنتتەر، جۇمىس بەرۋشىلەر، ءبىلىم بەرۋ سالاسىنىڭ وكىلدەرى مەن مەملەكەتتىك ورگانداردىڭ باسىن قوساتىن «جۇمىسشى ماماندىقتارىنىڭ قالاسى» فەستيۆالى وتۋدە.
فەستيۆال اياسىندا تاۋ-كەن جانە مەتاللۋرگيا، ماشينا جاساۋ جانە كولىك، اگرارلىق سەكتور جانە سۋ رەسۋرستارى، قۇرىلىس، بولاشاقتىڭ كاسىپتەرى، سونداي-اق قۇتقارۋ، ءورت ءسوندىرۋ جانە تۋريستىك ايماقتار سياقتى ءتۇرلى سالالاردىڭ تاقىرىپتىق كوشەلەرى كورسەتىلەدى.
فەستيۆال قوناقتارىنا ءتۇرلى ءىس-شارالار ۇسىنىلادى: سەمينارلار، مۇناي جانە ەنەرگەتيكا سالاسى بويىنشا حاكاتوندار، كاسىپتەر شەرۋى، بوس جۇمىس ورىندارى جارمەڭكەسى، ستارتاپ پرەزەنتاسيالارى، ماشينا جاساۋ بويىنشا شەبەرلىك ساباقتارى، كونسەرتتەر، حالىقارالىق اككرەديتتەلگەن كوللەدجدەردەن ترەنينگتەر، قازاقستان بويىنشا ۆيرتۋالدى تۋرلار.
«جۇمىسشى ماماندىقتارىنىڭ قالاسى» فەستيۆالى بۇل جاستارعا جۇمىسشى ماماندىقتارىنىڭ الۋان تۇرلىلىگىمەن تانىسۋعا، پراكتيكالىق تاجىريبە جيناقتاۋعا جانە الەۋەتتى جۇمىس بەرۋشىلەرمەن جانە ءبىلىم بەرۋ ۇيىمدارىمەن بايلانىس ورناتۋعا بىرەگەي مۇمكىندىك بولىپ تابىلادى. ءىس-شاراعا كىرۋ تەگىن جانە ءاربىر ادام كاسىبي دامۋدىڭ جاڭا مۇمكىندىكتەرىن اشا الادى.
فەستيۆالدە تۋريزم جانە قوناقجايلىلىق يندۋسترياسى كوللەدجىنىڭ ستۋدەنت-گيدتەرى قوناقتاردى ەرتىپ جۇرۋدە جانە ەكسكۋرسيالىق باعدارلامالاردى ۇيىمداستىرۋدا باستى ءرول اتقارادى. ولار قاتىسۋشىلارعا ءىس-شارادا باعدارلانۋعا، تۋريزم يندۋسترياسى تۋرالى بىلىمدەرىمەن بولىسۋگە جانە جايلى اتموسفەرانى قۇرۋعا كومەكتەسەدى. ولاردىڭ اراسىندا: ابىلگازينا ايىم، «تۋريزم» ماماندىعىنىڭ 1 كۋرس ستۋدەنتى جانە بولاتحان سۋلتان، «تۋريزم» ماماندىعىنىڭ 4 كۋرس ستۋدەنتى. ايىم: «فەستيۆال شىنايى كاسىبي ورتانى كورۋگە، بايلانىس ورناتۋعا جانە ۇزدىك مامانداردان تاجىريبە الۋعا مۇمكىندىك بەرەدى»، - دەپ اتاپ ءوتتى. سۇلتان: «ءبىز قوناقتارمەن جاي عانا ەرىپ ءجۇرىپ قانا قويماي، تۋريزم يندۋسترياسىندا گيد جۇمىسىنىڭ قانشالىقتى ماڭىزدى جانە قىزىقتى ەكەنىن كورسەتەمىز» دەيدى. ءبىز جوعارى دايىندىق دەڭگەيىن كورسەتكەن ستۋدەنتتەرىمىزدى ماقتان تۇتامىز جانە قازاقستانداعى جۇمىسشى ماماندىقتارىن دامىتۋعا ىقپال ەتەتىن جاڭا ءىس-شارالاردى كۇتەمىز!
فەستيۆالدىڭ جاڭاشىلدىقتارىنىڭ ءبىرى ءبىزدىڭ كوللەدج ۇيىمداستىرعان تۋريستىك ۆيار-زونا بولدى، وندا قاتىسۋشىلار قازاقستان بويىنشا ۆيرتۋالدى ساياحاتتار الەمىنە ەنىپ، تۋريزمدەگى وزىق تەحنولوگيالارمەن تانىسا الدى.
تۋريزم جانە قوناقجايلىلىق يندۋسترياسى كوللەدجى ديرەكتورىنىڭ ورىنباسارى رەتىندە مەن مۇنداي باستامالارعا قاتىسۋ ستۋدەنتتەرىمىزدىڭ ماڭىزدى داعدىلاردى مەڭگەرىپ قانا قويماي، ەل ەكونوميكاسىنىڭ دامۋىنا زور ۇلەس قوسۋعا مۇمكىندىك بەرەتىنىنە سەنىمدىمىن. ءبىز زاماناۋي ەڭبەك نارىعىنىڭ قيىندىقتارىنا دايىن مامانداردى دايىنداپ جاتىرمىز جانە جۇمىسشى ماماندىقتارىنىڭ جىلى وسى جولدا ماڭىزدى قادام بولاتىنىنا سەنىمدىمىز.