تانىمال زىلتەمىرشى الماس وتەشوۆتىڭ كەيىنگى تاعدىرى كوپشىلىكتى الاڭداتقانى بەلگىلى.
اسىرەسە، سپورتشىنىڭ ارىپتەسىمىز نۇرسەيىت جىلقىشىبايعا بەرگەن سۇحباتىنان كەيىن بۇل تاقىرىپقا دەگەن قوعامنىڭ نازارى ارتا ءتۇستى. بۇل تۋرالى Aqshamnews.kz سايتى حابارلايدى.
سىر ەلىنەن قولداۋ: الماس وتەشوۆ قايتا قاتارعا قوسىلا ما؟
جۋىردا قىزىلوردا وبلىسىنىڭ اكىمى نۇرلىبەك نالىبايەۆ ايماقتىڭ سپورت باسقارماسىنىڭ باسشىسى باحتيار ارتايەۆقا الماس وتەشوۆكە قولداۋ ءبىلدىرۋدى تاپسىردى. ءوز كەزەگىندە باحتيار ارتايەۆ اۋىر اتلەتپەن ارنايى كەزدەسىپ، ونىڭ الداعى جوسپارلارىن تالقىلادى. ءوزى دە سپورتشى بولعاندىقتان، باحتيار عاريفوللا ۇلى الماسقا جان-جاقتى قولداۋ كورسەتۋگە نيەتتى ەكەنىن جەتكىزدى.
الماس وتەشوۆتىڭ باستى سۇرانىستارىنىڭ ءبىرى – كەزىندە وزىنە بەرىلگەن پاتەردى جەكەشەلەندىرۋ. قازىرگى تاڭدا بۇل ماسەلەنى زاڭگەرلەر قاراستىرىپ، قۇقىقتىق جولدارىن زەرتتەۋدە. قىزىلوردا قالاسىنىڭ اكىمى نۇرجان احاتوۆ تا بۇل ماسەلەگە نازار اۋدارىپ، زاڭ اياسىندا كومەكتەسۋگە دايىن ەكەنىن مالىمدەدى.
جاڭا جۇمىس – جاڭا مۇمكىندىك
كاسىپقوي سپورتتان كەيىنگى باستى ماسەلەلەردىڭ ءبىرى – تۇراقتى جۇمىس تابۋ. الماس وتەشوۆكە قىزىلورداداعى سپورت مەكتەپتەرىنەن 1،5 ستاۆكا كولەمىندە جاتتىقتىرۋشى قىزمەتى ۇسىنىلعان. الايدا، سپورتشى ءوزىنىڭ مۇمكىندىكتەرىن ەسكەرە وتىرىپ، ادىسكەرلىك قىزمەت اتقارعىسى كەلەتىنىن بىلدىرگەن. وسىعان بايلانىستى، "قايسار" فۋتبول كلۋبىنىڭ ديرەكتورى تالعات ابدىعاپپار الماستى قابىلداپ، وعان قىزمەت ۇسىندى.
بۇل – بۇگىننىڭ شەشىمى. ال ەرتەڭگى كۇننىڭ قالاي ءوربيتىنى الماس وتەشوۆتىڭ ءوز قولىندا. وتكەننەن ساباق الىپ، جاڭا مۇمكىندىكتەردى ءتيىمدى پايدالانا بىلسە، سىر ءوڭىرى ءوز تالانتتى سپورتشىسىن ەشقاشان سىرتقا تەپپەيدى.