كەيبىر عيماراتتار مەن تۇرعىن ۇيلەرگە سۋ بەرۋ توقتاتىلدى.
21 قىركۇيەك كۇنى اتىراۋ شاعىن اۋدانى اۋماعىنداعى تالعار سۋ تاراتقىشتىڭ 1ء-شى تارماعىندا اپاتتى جاعداي ورىن الىپ، سۋ اعىپ، 1400 مم جەر استى قۇبىرى زاقىمدالعان. ءقازىر سۋ تاراتقىش سۋمەن جابدىقتاۋ جۇيەسىنەن اجىراتىلعان، دەپ حابارلايدى Almaty-akshamy.kz «الماتى سۋ» مكك سىلتەمە جاساپ.
تالعار سۋ تاراتقىشتارى ديامەترى 1200-1400 مم بولاتىن ءتورت جىپتەن تۇرادى، سوناۋ 60-شى جىلدارى پايدالانۋعا بەرىلگەن جانە تالعار سۋ قابىلداعىشىنداعى ۇڭعىمالاردان وندىرىلەتىن سۋدى تاسىمالداۋعا ارنالعان. 1ء-شى جەلى 1967 جىلى پايدالانۋعا بەرىلدى.
سۋدىڭ اعىپ كەتۋى سالدارىنان 1 جەكە مەنشىك ءۇيدىڭ اۋلاسىن سۋ باسىپ قالعان، اپات بولعان جەردەگى سۋدى وزەنگە بۇرۋ جۇزەگە اسىرىلادى.
اپاتتى قىزمەتتەر ابونەنتتەردى اپاتتى سۋ تاراتقىشتان باسقا سۋ تاراتقىشتارعا اۋىستىرۋ ارقىلى سۋمەن جابدىقتاۋ سىزباسىن وزگەرتۋ بويىنشا جۇمىستار جۇرگىزدى. جۇرگىزىلگەن جۇمىستاردىڭ ناتيجەسىندە سۋدى ءوشىرۋ ايماعى بارىنشا قىسقارتىلدى.
اپاتتى جاعداي جويىلعانعا دەيىن 21 قىركۇيەك ساعات 8:45-تەن باستاپ كەلەسى مەكەنجايلار بويىنشا ورنالاسقان عيماراتتار مەن تۇرعىن ۇيلەرگە سۋ بەرۋ توقتاتىلدى:
- مەدەۋ اۋدانى، "اتىراۋ" شاعىناۋدانى،9 ەكى قاباتتى ءۇي، 20 جتق، اتىراۋ قازاندىعى)
- تۇركسىب اۋدانى، "ايشا ءبيبى" شاعىناۋدانى، ۆولوچايەۆسكايا كوشەسى، 200 جتق، 5
جەو-عا جانە باسقا ابونەنتتەرگە سۋ بەرۋ شتاتتىق رەجيمدە جۇزەگە اسىرىلادى.
جۇمىستاردى اياقتاۋدىڭ جوسپارلانعان ۋاقىتى: 15:00
انىقتاما:
سۋ اعۋىنا قاتىستى ءوتىنىم ابونەنتتەن ديسپەچەرلىك كاسىپورىنعا ساعات 5:20-دان كەلىپ ءتۇستى، اپاتتى بريگادالار وقيعا ورنىنا ساعات 6:00-دە كەلدى.
اپاتتى جاعدايدى جويۋ جانە سۋمەن جابدىقتاۋ سىزباسىن وزگەرتۋ ءۇشىن 4 اپاتتى بريگادا، 1 ەكسكاۆاتور، 2 ساموسۆال، 4 اپاتتى اۆتوكولىك جۇمىلدىرىلدى
وسى سۋ تاراتقىشتار ارقىلى الاتاۋ، جەتىسۋ جانە تۇركسىب اۋداندارىنىڭ تۇرعىن ءۇي جانە اكىمشىلىك قۇرىلىستارىن سۋمەن جابدىقتاۋ، سونداي-اق جەو-1 جانە جەو-2 سۋ بەرۋ قامتاماسىز ەتىلەدى. تالعار سۋ تاراتقىشتارى ارقىلى بەرىلەتىن سۋدىڭ جىلدىق كولەمى الماتى قالاسىن سۋمەن جابدىقتاۋدىڭ بارلىق كولەمىنىڭ 25% -27%-ىن قۇرايدى.