ماماندار بازالىق مولشەرلەمەنىڭ نەگە كوتەرىلگەنىن ءتۇسىندىردى

قازىرگى ينفلياسيانىڭ ءوسۋى ۇزاققا سوزىلۋى مۇمكىن.

ۇلتتىق بانك بازالىق مولشەرلەمەنى 16 پايىز دەپ بەلگىلەدى. بۇل تۋرالى ۇلتتىق بانكتىڭ باسقارما ءتوراعاسى عالىمجان ءپىرماتوۆ ارنايى بريفينگتە ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.

«ۇلتتىق باكتىڭ اقشا-كرەديت ساياساتى كوميتەتى 27 قازاننان باستاپ بازالىق مولشەرلەمەنى 16 پايىزعا دەيىن كوتەرۋ جونىندە شەشىم قابىلدادى. شەشىم ينفلياسيانىڭ جەدەلدەۋىنە جانە باعانىڭ ءوسۋى ءبىزدىڭ بولجامدى باعالاۋىمىزدان ەداۋىر جوعارى قالىپتاسۋىنا بايلانىستى قابىلداندى. بيىلعى جىلدىڭ سوڭىنا قاراي ينفلياسيانىڭ 16-18 پايىز ارالىعىندا قالىپتاساتىنىن بولجاعان ەدىك. قىركۇيەك ايىندا ناقتى ينفلياسيانىڭ جاسالعان بولجامنان اسىپ ءتۇسۋى، ينفلياسيالىق كۇتۋلەردىڭ وڭ فيسكالدىق سەرپىن اياسىنداعى ينفلياسيانىڭ كومپونەنتتەرىنىڭ تۇراقتىلىعىنىڭ، جوعارى سىرتقى ينلياسيانىڭ، تاۋار جەتكىزۋ جولدارىنىڭ بۇزىلۋىنىڭ، رەسەيدەن جوعارى ينفليايسيا يمپورتىنىڭ جالعاسۋىنىڭ، سونداي-اق ءوندىرىس شىعىندارىنىڭ ءوسۋىنىڭ سالدارىنان ورىندالدى. ينفلياسيانىڭ تۇراقتى ءوسۋىنىڭ ايقىن بەلگىلەرى بايقالۋدا»، - دەدى بانك ءتوراعاسى.

سونداي-اق ول قازىرگى ينفلياسيانىڭ ءوسۋى ۇزاققا سوزىلۋى مۇمكىن ەكەنىن اتاپ ءوتتى.

«مۇنداي جاعدايدا ونىڭ قارقىندى ءوسۋى ۇزاققا سوزىلۋى ىقتيمال. وسىنىڭ ءبارى اقشا-كرەديت تالاپتارىن قاتاڭداتۋعا باعىتتالعان شەشۋشى شارالار قابىلداۋدى قاجەت ەتەدى. ناقتى بازالىق مولشەرلەمەنىڭ ءوزىنىڭ قالىپتى مانىنەن ۇزاق ۋاقىتقا ايتارلىقتاي اۋىتقۋىنا جول بەرمەگەن ءجون. سەبەبى بۇل ينفلياسيالىق پروسەستىڭ باقىلاۋدان شىعۋىنا اكەلىپ، كەيىنگى جىلدارى ينفلياسيانى تۇراقتاندىرۋ مۇمكىندىگىن ازايتادى»، - دەدى عالىمجان ءپىرماتوۆ.

ەسكە سالساق، ۇلتتىق بانك بازالىق مولشەرلەمەنى 16%-عا دەيىن كوتەردى.